Zvyš 70 viadomych pradstaŭnikoŭ Respublikanskaj partyi ZŠA, jakija zajmali ŭ roznyja hady klučavyja abaronnyja i źniešniepalityčnyja pasady ŭ krainie, padpisali i apublikavali adkryty list, u jakim vystupili suprać udzielnika ciapierašniaj prezidenckaj honki Donalda Trampa.
Respublikancy zajaŭlajuć, što ŭ vypadku abrańnia miljardera kiraŭnikom Biełaha doma jaho inicyjatyvy padarvuć nacyjanalnuju biaśpieku ZŠA.
«Zajavy Trampa dazvalajuć nam pryjści da vysnovy, što, staŭšy prezidentam, jon vykarystaje svaje paŭnamoctvy, kab źviarnucca da dziejańniaŭ, jakija zrobiać Amieryku mienš biaśpiečnaj (krainaj) i asłabiać našy pazicyi ŭ śviecie», - havorycca ŭ liście.
Aŭtary, u pryvatnaści, raskrytykavali pohlady Trampa na pytańni mihracyi, uklučajučy namier pabudavać ścianu na miažy ź Mieksikaj, a taksama jaho antymusulmanskuju rytoryku, jakaja «padryvaje baraćbu z radykalnym isłamizmam» i «prymušaje isłamskich partnioraŭ adviarnucca» ad ZŠA.
Nazvaŭšy Trampa «całkam nieprydatnym» dla vykanańnia abaviazkaŭ prezidenta krainy, padpisanty zapeŭnili, što buduć pradprymać «enierhičnyja vysiłki» z tym, kab miljarder nie zmoh atrymać pieramohu na vybarach.
List padpisali, u pryvatnaści, eks-prezident Suśvietnaha banka i były namieśnik dziaržsakratara ZŠA Robiert Zielik, eks-ministr nacyjanalnaj biaśpieki ZŠA Majkł Čertof, a taksama Doŭ Zakchiejm, jaki pracavaŭ namieśnikam kiraŭnika Pientahona padčas prezidenctva Džordža Buša-małodšaha.
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia5
Kamientary