Sajt «Biełavija» ruchnuŭ ad kolkaści achvotnych kupić bilet za 20 jeŭra, kampanija padoŭžyła promaakcyju jašče na sutki
Avijakampanija «Biełavija» padoŭžyła promaakcyju. Jana budzie pradavać kvitki na ŭsie rejsy pa canie 20 jeŭra nie tolki, 5 sakavika, ale i 6 sakavika. Pra heta «Biełavija» napisała na svajoj staroncy ŭ fejsbuku.
Nočču 5 sakavika sajt «Biełavija» nie adkryvaŭsia, jon pavaliŭsia z-za vialikaj kolkaści naviednikaŭ. Pa čas akcyi paśpieli pradać tolki 2500 kvitkoŭ sa 114 tysiač vystaŭlenych na prodaž.
«Biełavija» pryniesła svaje prabačeńni i padoŭžyła čas akcyi.
«Nie pamylajecca toj, chto ničoha ničoha nie robić. My vinavatyja, tamu vypraŭlajemsia i padaŭžajem akcyju na adzin dzień. Kupić kvitki pa promataryfie možna budzie jašče i 6 sakavika», — havorycca ŭ paviedamleńni kampanii.
Promataryf ustanoŭleny ŭ pamiery 20 jeŭra za kvitok tudy-nazad plus taksy i zbory. Praŭda, pry viartańni avijabileta taryf, paliŭny i kampiensacyjny zbory nie viartajucca, a źmieny času i daty vyletu zabaronienyja.
Na staroncy ŭ FB kampanija taksama adkazvaje na pytańni karystalnikaŭ adnosna akcyi.
Heta pieršaja takaja promaakcyja ŭ historyi «Biełavija». Jana prymierkavanaja da 20-hodździa kampanii.
Apytanka
-
«I ja pacałuju tabie ruku, kali buduć kurčycca Fukujama, Levi i Kisindžer». Jak Azaronak flirtavaŭ z Duhinaj
-
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju
-
Palitźniavolenaj fatohrafcy Natalli Bačurynskaj źmiakčyli prysud. Jaje vypuścili na volu
Ciapier čytajuć
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju7
Kamientary