Siamja hrodzienca Vani Ściacenki znachodzicca na lačeńni ŭ Dubai. Tam ža jany sustreli ataku dronaŭ. Mama Vani Alaksandra raskazała ŭ Instagram, jak jany pieražyvajuć hety etap, piša Hrodna.life.
1 sakavika admianili zaniatki ŭ klinicy na 2‑ie čysło.
«U suviazi ź biahučaj situacyjaj i dla harantavańnia biaśpieki našych dziaciej i ich siemjaŭ my admianiajem zaŭtrašnija pryjomy ŭ jakaści miery zaściarohi», — napisali Alaksandry.
Ich prosiać nie panikavać i abiacajuć paviedamić novyja daty pryjomaŭ paśla stabilizacyi situacyi.
«Siońnia Vaniucha byŭ vielmi ŭschvalavany, kali pačuŭ upieršyniu hrukat, heta było niekalki razoŭ. Pa šumu nahadała salut. Potym jon pačaŭ łavić mianie, što ja ŭsio źbiraju i navošta heta rablu. Ale my tryvožnyja dumki pieraklučyli na inšyja spravy. U nas usio dobra i spakojna», — napisała Alaksandra 1 sakavika.
Napiaredadni siamja sabrała «tryvožny» čamadan.
Pra chłopčyka stała viadoma na ŭsiu krainu ŭ listapadzie 2025 hoda, kali vybuchnuŭ skandał vakoł zatrymańnia dvuch błohieraŭ z Hrodna — 17‑hadovaha Michaiła Drahuna i jaho 37‑hadovaj siabroŭki Jaŭhienii Tarasienki. Jany pravodzili rozyhryšy z darahimi pryzami i abiacali častku sabranych srodkaŭ pieraličyć na lačeńnie Vani.
Udzielnikam prapanoŭvali kupić numar dla ŭdziełu ŭ nibyta dabračynnaj łatarei, abiacajučy smartfony abo navat aŭtamabili. Adnak z prykładna paŭtara miljona rubloŭ, jak śćviardžajecca, siamji pieradali tolki častku sumy, a značnyja srodki pajšli na pryzy i asabistyja vydatki błohieraŭ.
Michaił Drahun paśla vyzvaleńnia pad padpisku ab niavyjeździe zajaŭlaŭ, što nie ličyć siabie vinavatym, i tłumačyŭ, što ad pačatku kazaŭ pra pieradaču tolki častki sabranych hrošaj. Sud pa hetaj kryminalnaj spravie jašče napieradzie, abvinavačanym moža pahražać da 12 hadoŭ pazbaŭleńnia voli.
Niahledziačy na skandał, zbor srodkaŭ na lačeńnie Vani byŭ zakryty, i ciapier chłopčyk atrymaŭ nieabchodny preparat.
Najbujniejšaja admiena rejsaŭ z časoŭ pandemii — vajenny kanflikt na Blizkim Uschodzie spravakavaŭ chaos u niebie
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
«Biełavija» paviedamiła, što ciapier budzie z rejsami ŭ Dubaj i Dochu
Iranskija rakiety źbivajuć u niebie nad Dubajem
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki25
Kamientary