Papa Francišak rezka asudziŭ masavuju bojniu, jakuju ŭčynili bajeviki ŭ katalickim prytułku dla sastarełych u Jemienie, padkreśliŭšy, što napad — akt biessensoŭnaj i djabalskaj žorstkaści. U vyniku napadu na prytułak, jakim apiakujecca zasnavany maci Terezaj fond, byli zabityja 16 čałaviek.
Pantyfik taksama zaklikaŭ ŭsie baki jemienskaha kanfliktu da spynieńnia krovapralićcia i pačatku dyjałohu.
Napad adbyŭsia ŭ piatnicu ŭ najbujniejšym porcie krainy - Adenie. U chodzie bojni zahinuli čatyry katalickija manaški — dźvie byli z Ruandy, adna prybyła z Kienii, jašče adna była hramadziankaj Indyi — a taksama dvanaccać inšych rabotnikaŭ ustanovy.
Kiraŭnicy prytułku ŭdałosia schavacca i vyratavacca. Śviatara ź Indyi pakul nie ŭdajecca znajści.
Jak adznačajuć vidavočcy, napadniki vydali siabie za synoŭ žančyn, jakija pražyvajuć va ŭstanovie. Jany skavali kajdankami svaich achviar, pierš čym pierabić ich adnu za adnoj strełami ŭ hałavu.
Kamientary