Siabry biełaruskaj hramady ŭ Varšavie, a taksama salidarnyja ź imi ŭkraincy i palaki sa śpievami patryjatyčnych pieśniaŭ dy vokličami «Žyvie Biełaruś!», «Słava Ukrainie!», «Niachaj žyvie Polšča!» prajšli maršam ad staličnaj płoščy Troch Kryžoŭ da Zamkavaj płoščy, dzie adbyŭsia mitynh.
Pa darozie demanstranty pastajali kala prezidenckaha pałaca, ušanavaŭšy chvilinaju maŭčańnia pamiać prezydenta Polščy Lecha Kačynskaha, jaki trahična zahinuŭ.
«My žadajem sapraŭdy demakratyčnych źmienaŭ biełarusam, bo tolki vyzvaleńnia palitviaźniaŭ nie dastatkova», — skazaŭ u časie mitynhu były mer Varšavy, a ciapier deputat Sejma Marcin Śviancicki. Pramaŭlali taksama pradstaŭniki ŭkrainskaj hramady, biełaruskaha doma ŭ Varšavie dy Jan Malicki — dyrektar stypiendyjalnaj prahramy imia Kalinoŭskaha.
Kamientary