Polski ministr zamiežnych spraŭ naviedaŭ vizavy centr Polščy, jaki 18 sakavika adkryŭsia ŭ handlovym centry «Halilea» ŭ Minsku.
Ministr zamiežnych spraŭ Polščy Vitald Vaščykoŭski aznajomiŭsia z pracaj vizavaha centru, dzie adnačasova pracujuć 47 voknaŭ dla atrymańnia dakumientaŭ na vizu.
Vitald Vaščykoŭski skazaŭ žurnalistam biełaruskich i polskich ŚMI, što MZS Polščy «robić usio mahčymaje, kab spraścić praceduru atrymańnia vizaŭ u Polšču dla biełarusaŭ».
Pavodle ministra, ciapier vydačaj vizaŭ u Polšču zajmajucca na terytoryi Biełarusi 12 ustanovaŭ: 8 vizavych centraŭ, 3 konsulskija ŭstanovy Polščy i konsulstva Łatvii ŭ Viciebsku.
«Vizy nie stali tańniejšyja, ale patańnieŭ praces ich atrymańnia, bo dla mnohich źnikli niekatoryja materyjalnyja prablemy, źviazanyja ź ich atrymańniem», — skazaŭ Vitald Vaščykoŭski.
Jon dadaŭ, što maje šerah prapanovaŭ da kiraŭnictva Biełarusi, jak palepšyć praceduru atrymańnia vizaŭ, ale nie raskryŭ, jakija heta prapanovy. Ministr skazaŭ, što heta źviazana ź nieabchodnaściu ŭviadzieńnia bijamietryčnych pašpartoŭ u Biełarusi i z pavieličeńniem štatu konsulskich supracoŭnikaŭ.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju7
Kamientary