Suchaja raślinnaść zaharełasia na łuzie za dva kiłamietry ad vioski Baličy, ahniom achapiła kala 2 ha, paviedamili ŭ Hrodzienskim abłasnym upraŭleńni MNS.
Školnik, jaki adpačyvaŭ u babuli na vakacyjach, pieršy zaŭvažyŭ ahoń i paviedamiŭ pra heta pa telefonie 101. Chłopčyk raskazaŭ, što zusim niadaŭna ŭ škołu prychodzili rabotniki MNS i raspaviali pra niebiaśpieku vypalvańniaŭ suchoj travy i dziejańni pry ich vyjaŭleńni.
Heta pieršy ŭ vobłaści sioleta vypadak maštabnaha zaharańnia suchoj raślinnaści. Niepasrednaj pahrozy paciarpieć ad ahniu vioscy nie było, ale ratavalniki i rabotniki miascovaha SVK spyniali pažar na praciahu saraka chvilin. Traktarami ŭzarali terytoryju, kab pieraharadzić šlach ahniu, i pry dapamozie rydlovak i halin patušyli połymia.
Uličvajučy, što pastupova ustaloŭvajecca ciopłaje suchoje nadvorje, niebiaśpieka ŭzharańniaŭ letašniaj travy ŭzrastaje. MNS prosić być bolš uvažlivymi dačnikaŭ, sielskich žycharoŭ, rabotnikaŭ sielhaspradpryjemstvaŭ pry ŭborcy śmiećcia i abychodžańni z ahniom. Letaś u Hrodzienskaj vobłaści adbyłosia 611 pažaraŭ suchoj raślinnaści na ahulnaj płoščy 324 ha, u adnym ź ich zahinuŭ piensijanier.
Kamientary