Były lidar baśnijskich sierbaŭ Radavan Karadžyč prysudžany da 40 hadoŭ turmy za vajennyja złačynstvy i złačynstvy suprać čałaviečnaści, učynienyja padčas baśnijskaj vajny 1992-1995 hadoŭ. Prysud vynies Mižnarodny trybunał pa byłoj Juhasłavii.
Karadžyč, u pryvatnaści, pryznany vinavatym u hienacydzie ŭ Srebranicy — nievialikim baśnijskim horadzie, dzie ŭ lipieni 1995 hodabyli zabityja ad siami da vaśmi tysiač baśnijskich musulman.
Pa vynikach razboru sud uskłaŭ na Karadžyča adkaznaść za zabojstva, zachop zakładnikaŭ i prymusovaje pierasialeńnie žycharoŭ Bośnii i Hiercahaviny. U pryvatnaści, jaho pryznali vinavatym pa epizodzie z abłohaj horada Sarajeva, za čas jakoj zahinuli tysiačy čałaviek.
Usiaho abvinavaŭčy prysud byŭ vyniesieny pa 10 epizodach z 11. Karadžyča apraŭdali tolki pa abvinavačvańni ŭ hienacydzie žycharoŭ siami baśnijskich nasielenych punktaŭ u 1992 hodzie.
***
Radavan Karadžyč ŭ 1992—1996 hadach zajmaŭ pasadu prezidenta Respubliki Sierbskaj — dziaržaŭnaha ŭtvareńnia na terytoryi Bośnii i Hiercahaviny. U 1995 hodzie Mižnarodny trybunał pa byłoj Juhasłavii pradjaviŭ jamu abvinavačańnie ŭ vajennych złačynstvach. Karadžyč byŭ vymušany skłaści paŭnamoctvy, paśla čaho jon schavaŭsia ad śledstva.
Aryštavać Karadžyča ŭdałosia ŭ 2008 hodzie. Vyśvietliłasia, što paśla adstaŭki jon žyŭ u Białhradzie ź inšym imiem. Karadžyča ekstradavali ŭ Haahu, dzie ŭ 2009 hodzie pačaŭsia sudovy praces pa jaho spravie.
Kamientary