Kalasalnym udaram pa reputacyi universytetu nazvała administracyja EHU zatrymańnie byłoha studenta hetaj navučalnaj ustanovy z narkotykami.
Zaniepakojenaje incydentam z hetym maładym minčukom kiraŭnictva EHU inicyjavała 22 krasavika ekstrannuju sustreču sa studentami. Padčas jaje prarektar EHU Uładzimir Dunajeŭ zajaviŭ, što zapeŭnivańni administracyi univiersiteta ŭ tym, što hety vypadak źjaŭlajecca vyklučnym, nie vyhladajuć pierakanaŭčymi. I tamu zaraz studentam i vykładčykam univiersiteta treba surjozna pracavać nad tym, kab pierakanać tych, chto zajmajecca rasśledavańniem złačynstva, a taksama donaraŭ i partnioraŭ navučalnaj ustanovy u tym, što zatrymańnie adnaho z byłych studentaŭ EHU — na samoj spravie źjava nietypovaja.
Administracyja univiersiteta nieadnarazova padkreślivała, što zatrymany małady čałaviek u dadzieny momant užo nie źjaŭlajecca studentam EHU. Prarektar Dunajeŭ paviedamiŭ, što hety student byŭ adličany za niepaśpiachovaść zahadam jašče ad 27 sakavika.
Adnym z nastupstvaŭ dla studentaŭ, jakija buduć zamiešanyja ŭ spravach z narkotykami, Uładzimir Dunajeŭ nazvaŭ vyklučeńnie z univiersitetu i pazbaŭleńnie dazvołu na žycharstva ŭ Litvie. U horšym vypadku złačyncaŭ čakaje kryminalnaja adkaznaść.
Uładzimir Dunajeŭ papiaredziŭ studentaŭ pra vierahodnaść pradpryniaćcia litoŭskimi śpiecsłužbami rejdaŭ z metaj vyjaŭleńnia narkotykaŭ u studenckich internatach. Administracyja univiersitetu paraiła studentam padrychtavacca da taho, što supracoŭniki jak litoŭskaj, tak i biełaruskaj mytni, vierahodna, buduć źviartać na ich vialikuju ŭvahu. Mažlivyja navat asabistyja nadhlady. Tamu univiersiteckija praŭniki dali navučencam parady, jak pavodzić siabie padčas pierasiačeńnia dziaržaŭnaj miažy.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary