![]() Źmicier Daškievič |
«Ja pierakanany ŭ tym, što pabudova atamnaj stancyi — heta jość stratehičny pryjarytet Biełarusi. I karystacca tymi zdabytkami, jakija ciapier imkniecca ažyćciavić ułada, budzie nie Łukašenka, bo pytańnie kanca Łukašenki — heta pytańnie bližejšaj histaryčnaj perspektyvy. Karystacca hetym budziem my», — takoje mierkavańnie padčas «kruhłaha stała», pryśviečanaha prablemie budaŭnictva biełaruskaj AES vykazaŭ adzin ź lideraŭ niezariehistravanaj arhanizacyi «Małady front», były palitviazień Źmicier Daškievič.
Jak ličyć małady palityk, u abmierkavańnie pabudovy atamnaj stancyi «ŭmiašalisia pytańni stratehii j taktyki». Pry hetym «mnohija zajmajucca krytykanstvam», a bolšaja častka prychilnikaŭ demakratyčnaha ruchu kateharyčna admaŭlaje ŭsio, što prapanuje ŭłada, «nie zvažajučy na nacyjanalnyja intaresy Biełarusi, u tym liku i budaŭnictva AES».
Što da «pytańniaŭ taktyki», to sp. Daškievič nazvaŭ u liku ich vyrašeńnie, «jakich specyjalistaŭ varta zaprašać, z dapamohaju jakich technalohij heta rabić, u jakim miescy».
«I, biezumoŭna, demakratyčnyja siły ŭ hetym pytańni mohuć znajści kansensus i zaniać adzinuju pazycyju, zaklikajučy da šyrokaj hramadzkaj dyskusii pa prablemach budaŭnictva AES», — dadaŭ adzin ź lideraŭ «Maładoha frontu».
Fota Julii Daraškievič
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)