59-hadovy mužčyna da śmierci źbiŭ svajho brata za toje, što toj udaryŭ jaho sabaku.
Incydent adbyŭsia ŭviečary 29 sakavika. Mužčyna pravodziŭ čas, raśpivajučy sa svaimi siabrami ałkaholnyja napoi. Krychu paźniej razahretyja ŭnutry i zvonku jany nakiravalisia na vulicu, dzie i zdaryłasia trahiedyja. Sa słoŭ padazronaha jaho stryječny brat udaryŭ sabaku biervianom, na hetaj hlebie i ŭźnik kanflikt, paviedamlaje pres-słužba Hrodzienskaha UUS.
U chutkim časie słoŭnaja svarka pierarasła ŭ źbićcio. Mužčyna staŭ nanosić ŭdary rukami i nahami i vielmi mocna źbiŭ stryječnaha brata. Paśla čaho jon syšoŭ, a paciarpieły adpraviŭsia dadomu.
Užo doma stan paciarpiełaha pačaŭ mocna paharšacca. Lekary chutkaj miedycynskaj dapamohi sumiesna z supracoŭnikami milicyi nieadkładna prybyli na miesca. Adnak padčas praviadzieńnia reanimacyjnych mierapryjemstvaŭ mužčyna pamior.
Zhodna z zaklučeńniem sudova-miedycynskaj ekśpiertyzy śmierć nastupiła ad tupoj traŭmy hrudnoj kletki, paškodžańni rebraŭ i lohkich. Kryminalnaja sprava ŭzbudžanaja ŭ dačynieńni da brata zahinułaha. Jamu pahražaje da 15 hadoŭ.
Kamientary