U rasśledavańni Mižnarodnaha kansorcyuma žurnalistaŭ-śledčych (ICIJ) ab afšorach, źviazanych z panamskim rehistrataram Mossack Fonseca, havorycca ab ździełkach i afšorach 12 dziejučych i byłych suśvietnych lidaraŭ, 128 palitykaŭ i aficyjnych asob i 29 miljarderaŭ ź śpisu samych bahatych ludziej Forbes.
U pryvatnaści, tam zhadvajucca ździełki, da jakich datyčnyja prezident Ukrainy Piatro Parašenka, karol Saudaŭskaj Aravii Sałman, premjer-ministry Isłandyi i Pakistana, svajaki staršyni KNR Si Czińpina i prezidenta Azierbajdžana Ilchama Alijeva.
Rasijski partnior ICIJ «Novaja hazieta» apublikavała rasśledavańnie ab afšory siabra prezidenta RF Uładzimira Pucina Siarhieja Rałduhina.
Siarod inšych ludziej, zhadanych u rasśledavańni — futbalist Lijanel Miesi, niabožčyk baćka premjer-ministra Vialikabrytanii Devida Kemierana Ijen Kemieran, člen kamiteta FIFA pa etycy Chuan Piedra Damijanu, a taksama akcior Džeki Čan. U ICIJ adznačajuć, što dokazaŭ dačynieńnia Džeki Čana, jak i mnohich inšych klijentaŭ Mossack Foncesa, da niezakonnych ździełak niama.
U rasśledavańni Mižnarodnaha kansorcyuma žurnalistaŭ-śledčyja (ICIJ) pryniali ŭdzieł 380 žurnalistaŭ z 76 krain śvietu. Partnioram prajekta vystupiŭ Centr pa daśledavańni karupcyi i arhanizavanaj złačynnaści (OCCRP). Usiaho ŭ prajekcie ŭdzielničajuć 107 partnioraŭ, u Rasii - «Novaja hazieta».
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary