 |
25 krasavika aktyvist atrymaŭ paviedamleńnie ad staršaha śledčaha abłasnoha ŭpraŭleńnia KDB Dźmitryja Siedlarova, u jakim havorycca, što jaho kryminalny pieraśled spynieny i ŭsie kanfiskavanyja ŭ jaho padčas vobysku rečy buduć viernuty.
Nahadajem, u vieraśni 2007 hoda A.Cianiuta byŭ pryznany padazronym u dziejnaści ad imia nie zarehistravanaj u Biełarusi arhanizacyi «Małady front». U aktyvista kanfiskavali sistemny błok kamp\jutera, ulotki, knihi, ściahi. Dvojčy kryminalnaja sprava prypyniałasia. Pryblizna miesiac tamu A.Cianiuta nakiravaŭ adozvu staršyni KDB z patrabavańniem abo vystavić abvinavačańnie, abo spynić kryminalny pieraśled. Adozva była pieraadrasavana ŭ prakuraturu Homielskaj vobłaści.
U paviedamleńni śledčaha havorycca, što sprava spyniena na padstavie častki 1 artykuła 259 Kryminalnaha kodeksa (zadavalnieńnie chadajnictva abvinavačanaha ŭ kryminalnym złačynstvie).
«Spynieńniem suprać mianie spravy ŭłady chočuć pakazać Zachadu svaju łajalnaść — na fonie apošnich vialikich terminaŭ, jakija atrymali ŭdzielniki akcyi pradprymalnikaŭ», — ličyć A.Cianiuta.
