Камітэт дзяржбясьпекі спыніў крымінальны перасьлед Андрэя Цянюты, які абвінавачваўся ў дзейнасьці ад імя «Маладога фронту»
25 красавіка актывіст атрымаў паведамленне ад старшага следчага абласнога ўпраўлення КДБ Дзмітрыя Седлярова, у якім гаворыцца, што яго крымінальны пераслед спынены і ўсе канфіскаваныя ў яго падчас вобыску рэчы будуць вернуты.
Нагадаем, у верасні 2007 года А.Цянюта быў прызнаны падазроным у дзейнасці ад імя не зарэгістраванай у Беларусі арганізацыі «Малады фронт». У актывіста канфіскавалі сістэмны блок камп\’ютэра, улёткі, кнігі, сцягі. Двойчы крымінальная справа прыпынялася. Прыблізна месяц таму А.Цянюта накіраваў адозву старшыні КДБ з патрабаваннем або выставіць абвінавачанне, або спыніць крымінальны пераслед. Адозва была пераадрасавана ў пракуратуру Гомельскай вобласці.
У паведамленні следчага гаворыцца, што справа спынена на падставе часткі 1 артыкула 259 Крымінальнага кодэкса (задавальненне хадайніцтва абвінавачанага ў крымінальным злачынстве).
«Спыненнем супраць мяне справы ўлады хочуць паказаць Захаду сваю лаяльнасць — на фоне апошніх вялікіх тэрмінаў, якія атрымалі ўдзельнікі акцыі прадпрымальнікаў», — лічыць А.Цянюта.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый39
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары