Pravacentrysckaja kaalicyja, u jakuju ŭvachodzić AHP, BCHD i ruch «Za Svabodu», maje namier vyłučyć na vybary ŭ Pałatu pradstaŭnikoŭ kandydataŭ u 93 akruhi z 110.
Kožny z udzielnikaŭ kaalicyi vyłučaje pa tracinie kandydataŭ. Siarod patencyjnych pretendentaŭ na deputackuju pasadu budzie šmat moładzi — 33% da 35 hod, a 29% patencyjnych kandydataŭ — žančyny, jakija stvaryli pravy Žanočy forum.
Jak patłumačyli pradstaŭniki troch struktur — Anatol Labiedźka, Vital Rymašeŭski dy Juraś Hubarevič, — 93 kandydaty abranyja nie tamu, što ŭ Pravacentrysckaj kaalicyi niama siłaŭ zakryć usie 110 akruhaŭ. U 17 akruhaŭ jana naŭmysna nia budzie vyłučać svaich kandydataŭ, bo pa hetych akruhach buduć iści mocnyja kandydaty ad sajuznych Pravacentrysckaj kaalicyi struktur.
Ale, jak skazaŭ Vital Rymašeŭski, heta robicca ŭ jakaści žestu dobraj voli. A kali inšyja struktury nie zachočuć kaardynavać ź imi dziejnaść, to tady Pravacentrysckaja kaalicyja vystavić 110 kandydataŭ.
Ciapier ekspertnaja hrupa Pravacentrysckaj kaalicyi pracuje nad ahulnym pasłańniem da vybarcaŭ ad usich kandydataŭ.
Pradstaŭniki Pravaha centru zajavili, što razhladajuć dva varyjanty mahčymaha zaviaršeńnia vybarčaha pracesu. U tym vypadku, kali ŭłady praviaduć spraviadlivyja vybary, to deputaty ad Pravaha centru buduć adstojvać demakratyčnyja intaresy ŭ Pałacie pradstaŭnikoŭ. Kali ž vybary nia buduć spraviadlivyja, to miarkujecca stvaryć svoj narodny parlament z pryciahnieńniem u jaho kandydataŭ, jakija ŭdzielničali ŭ vybarčaj kampanii, i miascovych rehijanalnych aktyvistaŭ.
Adkazvajučy na pytańnie ab tym, kaho Pravy centar bačyć svaim patencyjnym sajuźnikam, a z kim nia choča mieć spravy, staršynia AHP Anatol Labiedźka skazaŭ:
«Vodapadzieł u hetaj spravie kładziecca tak. Jość ludzi, jakija vierać, što ŭ hetuju systemu ŭłady možna ŭbudavacca, zajšoŭšy praz čorny chod u Pałatu pradstaŭnikoŭ. I jość druhi padychod: systemu treba kardynalna źmianiać. My za druhi varyjant. My nia chočam, kab u nas byŭ niejki varyjant rasiejskaj Dumy, dzie znachodzicca kišennaja apazycyja».
