Hienprakuror Biełarusi na telekanale «Biełaruś 1» papiaredziŭ studentaŭ i ich baćkoŭ pra mahčymyja pravakacyi. Alaksandr Kaniuk ličyć, što ich mohuć učynić narkahandlary.
Jon pryvioŭ prykład, jak paśla lekcyi va ŭniviersitecie da jaho padyšoŭ student i pakazaŭ atrymany SMS z prapanovaj dobra apłočvajemaj pracy — za raspaŭsiud narkotykaŭ. «Treba razumieć, jak składana znajści i vyličyć narkaraspaŭsiudnikaŭ. Jany šyfrujucca vielmi surjozna», — skazaŭ hienprakuror.
Kaniuk dadaŭ, što ŭ Biełarusi pa-raniejšamu pakarańnie za raspaŭsiud narkotykaŭ budzie žorstkim, u tym liku i dla padletkaŭ, jakich mohuć pryciahvać da adkaznaści z 14 hadoŭ. «U toj ža čas razumiejem, što ŭ 14-15 hadoŭ da kanca ŭśviadomić, što ty zrabiŭ, moža być, jašče i niemahčyma. Žorstkaje pakarańnie zastaniecca i jaho źmianiać u bližejšy čas, ja dumaju, nie budziem», — cytuje słovy Alaksandra Kaniuka BIEŁTA.
Hienprakuror nahadaŭ, što MUS prapanuje asudžanych niepaŭnaletnich raniej vypuskać na volu pry najaŭnaści važkich pryčyn.
Ciapier čytajuć
Biełaruska, jakuju ličyli źnikłaj u Niepale, žyvaja. Jana ŭ izalatary ŭ Tajvani8
Kamientary