Siońnia «Śpieŭny schod» spadziajecca sabrać tysiaču čałaviek dla vykanańnia himna «Mahutny Boža»

«15 krasavika 1000 čałaviek (spadziajomsia) razam u novaj prastory «Vierch» (900 kvadratnych mietraŭ) buduć śpiavać «Pahoniu» Bahdanoviča i «Mahutny Boža» Arsieńnievaj», — piša ŭ svaim fejsbuku kiraŭnik kulturnickaj inicyjatyvy «Art-siadziba» Pavieł Biełavus.
Čarhovy «Śpieŭny schod» budzie pryśviečany biełaruskim pieśniam pieršaj pałovy XX stahodździa.
Prastora «Vierch» płoščaj 900 m2 raźmiaściłasia na 6-m paviersie budynka zavoda «Haryzont» na Kujbyšava 22.
Čarhovy «Śpieŭny schod» maje stać rekordnym pa kolkaści ŭdzielnikaŭ i śpievakoŭ.
Na čarhovym śpieŭnym schodzie abiacajuć razvučvać i śpiavać taksama «Biełaruskuju Marseljezu», vajacki marš «My vyjdziem ščylnymi radami» dy inšyja pieśni.
Viadzie śpieŭnyja schody Siarhiej Doŭhušaŭ. Dapamahać jamu hetym razam budzie mužčynski chor «Unija».
Dziakujučy talentu Doŭhušava na śpieŭnych schodach stvarajecca niepaŭtornaja atmaśfiera nacyjanalnaha adzinstva.
Adras: Minsk, vuł.Kujbyšava, d. 22, 6-ty pavierch, prastora «Vierch». 15 krasavika (piatnica) a 19.00. Uvachod volny! Bolš ab padziei možna pračytać u FB i VK.
Kamientary