U pradprymalnika Alesia Makajeva kanfiskavali tavaru na 47 młn rubloŭ
Sudovyja vykanaŭcy Savieckaha rajona kanfiskujuć majomaść pradprymalnika i hramadzianskaha aktyvista Alesia Makajeva, jaki nie spłaciŭ štrafy, što jamu prysudzili za ŭdzieł u niesankcyjanavanych akcyjach, i maje zapazyčanaść pierad rynkam «Rakaŭski kirmaš» za niapłatu arendy.
Jak raspavioŭ Aleś Makajeŭ, hety tavar (u asnoŭnym santechnika) byŭ aryštavany administracyjaj rynku «Rakaŭski kirmaš», dzie pradprymalnik arandavaŭ šapik. Adrazu ž paśla Novaha hoda jaho pazbavili handlovaha miesca, bo ŭ jaho była zapazyčanaść pa apłacie arendy. Da hetaj zapazyčanaści dadalisia jašče i štrafy za ŭdzieł u niesankcyjanavanych akcyjach, jakija Makajeŭ nie spłaciŭ.
«20 krasavika na kvateru pa vulicy Bahdanoviča, dzie ja pražyvaju, pryjechali sudovyja vykanaŭcy z pradstaŭnikami kramy «Kanfiskat», zahruzili ŭ mašynu myjki, źmiašalniki, źmiejeviki na ahulnuju sumu 47 miljonaŭ rubloŭ — kolki ŭmiaściłasia ŭ aŭtamabil. Drabiazu nie stali apisvać. Da ich dajšli try pratakoły (za studzień i luty) na 30 miljonaŭ, a ŭsiaho na mianie składziena kala dziasiatka pratakołaŭ. Tak što pratakoły jašče buduć dachodzić».
Heta ŭžo nie pieršaja sproba kanfiskavać tavar Alesia Makajeva: sudovyja vykanaŭcy prychodzili da pradprymalnika i hramadskaha aktyvista jašče 15 krasavika.
Ciapier čytajuć
Prateže łukašenkaŭskaha favaryta Baskava buduje akademiju ŭ Brazilii i Ńju-Vasiuki suśvietnaha maštabu5
Kamientary