ZŠA zamieniać partret siomaha prezidenta Endru Džeksana na dvaccacidalaravaj kupiury na adlustravańnie afraamierykanki Haryjet Tabmien, jakaja zmahałasia za pravy raboŭ u XIX stahodździ.
Amierykanski Minfin u sieradu abvieścić pra zamienu partreta siomaha prezidenta ZŠA Endru Džeksana na kupiury ŭ $ 20 na adlustravańnie Haryjet Tabmien — žančyny afraamierykanki, jakaja zmahałasia za pravy raboŭ u 19-m stahodździ, piša The New York Times.
Jak adznačaje hazieta, Džeksan źjaŭlaŭsia rabaŭładalnikam. Tabmien, jakaja naradziłasia ŭ siamji raba kala 1820 hoda, viadomaja jak udzielnica abalicyjanizmu — ruchu za admienu rabstva.
Pa słovach pradstaŭnika viedamstva, Minfin admoviŭsia ad płana pa vydaleńni z 10-dalaravaj banknoty partreta Alaksandra Hamiltana. Pry hetym na kupiurach taksama źjaviacca inšyja adlustravańni žančyn i zmaharoŭ za hramadzianskija pravy — ich mohuć raźmiaścić sa zvarotnych bakoŭ banknot.
Kupiury z novym dyzajnam buduć vypuščanyja Biuro hraviroŭki i druku da 2020 hoda, da stahodździa ŭstupleńnia ŭ siłu vybarčaha prava dla žančyn, jakoje harantavała 19-ja papraŭka da Kanstytucyi ZŠA.
Nivodnaja z abnoŭlenych banknot, uklučajučy novuju piacidołaravuju kupiuru, nie pastupić u abarot da nastupnaha dziesiacihodździa.
Letam minułaha hoda kiraŭnik Minfina ZŠA Džiejkab Lju zajaŭlaŭ ab płanach źmiaścić partret žančyny na 10-dalaravaj kupiury. Tady jon kazaŭ, što na banknocie źjavicca žančyna, jakaja ŭniesła ŭkład u «stanaŭleńni kaštoŭnaściaŭ amierykanskaj demakratyi», nie ŭdakładniajučy, pra kaho idzie havorka.
Apošni raz žančyny źmiaščalisia na amierykanskich dalarach ŭ XIX stahodździ — z 1891 pa 1896 hady na srebnym siertyfikacie ŭ $ 1 byŭ partret Marty Vašynhton, žonki pieršaha prezidenta ZŠA. U 1865—1868 hadach na kupiury ŭ 20 dalaraŭ była źmieščanaja indziejskaja pryncesa Pakachontas. U 1979—1981 hadach na manietach vartaściu $1 byŭ adbity profil aktyvistki za pravy žančyn XIX stahodździa Śjuzan Entani.
Kamientary