Kiraŭnik MZS Rasii Siarhiej Łaŭroŭ zajaviŭ, što publičnaja padtrymka Ankaroj Azierbajdžana ŭ nahorna-karabachskim kanflikcie źjaŭlajecca zaklikam da vajny.
Łaŭroŭ zrabiŭ hetuju zajavu, znachodziačysia ŭ Armienii. «Ja liču, što zajavy, jakija prahučali z vusnaŭ tureckaha kiraŭnictva, źjaŭlajucca absalutna nieprymalnymi pa adnoj prostaj pryčynie: heta byli zakliki nie da miru, a da vajny. Heta byli zakliki da vyrašeńnia kanfliktu siłavym šlacham», — skazaŭ jon.
Paźniej u piatnicu na sustrečy z prezidentam Armienii Sieržam Sarhsianam Łaŭroŭ zajaviŭ, što viartacca za stoł pieramovaŭ kanfliktujučym bakam pakul rana.
«Situacyja pavinna trochi supakoicca, i ludzi pavinny supakoicca», — cytuje Łaŭrova Interfaks.
Ministr zaklikaŭ vyrašyć kanflikt palityčnym, a nie vajennym šlacham.
3 krasavika prezident Turcyi Redžep Taip Erdahan zajaviŭ, što «da kanca» budzie padtrymlivać Azierbajdžan u kanflikcie.
«My molimsia za toje, kab našy azierbajdžanskija braty pieramahli ŭ hetych sutyknieńniach», — havaryłasia ŭ aficyjnaj zajavie tureckaha prezidenta.
U pačatku krasavika abstanoŭka ŭ Nahornym Karabachu niečakana abvastryłasia. Armienija i Azierbajdžan paviedamili ab abstrełach i źniščanaj žyvoj sile i vajennaj technicy. Kanflikt pieraros va ŭzbrojenyja sutyknieńni, jakija baki nazyvajuć samymi maštabnymi za apošnija 22 hady.
Da 5 krasavika baki zmahli iznoŭ ustalavać pieramirje. Ciapier na linii sudakranańnia armianskich i azierbajdžanskich vojskaŭ vajennyja dziejańni spynienyja.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary