Žycharu Bychaŭskaha rajona pahražaje vyšejšaja miera pakarańnia za žorstkaje zabojstva staroj maci

Prakuratura vobłaści nakiravała ŭ abłasny sud kryminalnuju spravu ŭ dačynieńni da 50-hadovaha žychara Bychaŭskaha rajona, jaki ŭčyniŭ zabojstva svajoj staroj maci pry abstavinach, što abciažvajuć vinu, i zamach na źniščeńnie majomaści ahulnaniebiaśpiečnym sposabam.

Jak paviedamiŭ namieśnik načalnika adździeła abłprakuratury pa nahladzie za vykanańniem zakanadaŭstva USK pa Mahiloŭskaj vobłaści Dźmitryj Šaramiet, złačynstva było ŭčynienaje 25 kastryčnika minułaha hoda.

Abvinavačvany, budučy pjanym, padčas svarki sa svajoj 83-hadovaj maci źbiŭ jaje, naniosšy mnostva udaraŭ rukami pa roznych častkach cieła. Zatym zaciahnuŭ žančynu ŭ prybudavany da chaty draŭlany chleŭ, źviazaŭ ruki i padpaliŭ siena, što było tam. Dačakaŭšysia, kali budynak zaharycca, abvinavačany vyciahnuŭ maci na dvor i pakinuŭ lažać jaje sa źviazanymi rukami ŭ niebiaśpiečnaj blizkaści ad pažaru, paśla čaho ŭciok ź miesca zdareńnia.

Praź niepraciahły čas pažar byŭ vyjaŭleny i patušany miascovymi žycharami i supracoŭnikami Bychaŭskaha RANS, što nie dało ahniu mahčymaści źniščyć ci paškodzić majomaść maci abvinavačvanaha — chleŭ, žyły dom, a taksama inšyja raźmieščanyja na terytoryi domaŭładańnia haspadarčyja pabudovy i majomaść, što miaściłasia ŭ ich. Tym samym złačynnaja zaduma abvinavačvanaha nie była daviedzienaja da kanca z-za akaličnaściaŭ, što nie zaležali ad jaho, zaznačyŭ pradstaŭnik abłasnoj prakuratury.

Razam z tym, niahledziačy na namahańni lekaraŭ, žančyna praź niekalki dzion ad atrymanych u vyniku dziejańniaŭ syna ciažkich cialesnych paškodžańniaŭ — zakrytaj čerapna-mazhavoj traŭmy, zakrytych pierałomaŭ rebraŭ, množnych siniakoŭ na tułavie i kaniečnaściach, termičnych apiokaŭ skury levaha pieradplečča i kiści — pamierła ŭ balnicy.

Dziejańni abvinavačvanaha kvalifikavanyja pa pp. 2, 5, 6 č. 2 art. 139 KK, č. 1 art. 14, č. 2 art. 218 KK (naŭmysnaje supraćpraŭnaje pazbaŭleńnie žyćcia inšaha čałavieka (zabojstva), učynienaje ŭ dačynieńni da sastarełaj asoby, ahulnaniebiaśpiečnym sposabam, z asablivaj žorstkaściu, a taksama zamach na naŭmysnaje źniščeńnie i paškodžańnie majomaści, učynieny ahulnaniebiaśpiečnym sposabam, što paciahnuła pryčynieńnie ŭronu ŭ bujnym pamiery).

Za ŭčynienyja złačynstvy abvinavačvanamu moža być pryznačanaje pakarańnie ŭ vyhladzie pazbaŭleńnia voli na termin ad 8 da 25 hadoŭ, abo pažyćciovaje źniavoleńnie, abo śmiarotnaja kara.

• 0
• 0
• 0
• 0
• 0
• 0
• 0
• 0