Sud u Francyi prysudziŭ hałandskaha zubnoha lekara da vaśmi hadoŭ turmy za pryčynieńnie kalectvaŭ 120 pacyjentam. Sud taksama zabaraniŭ jamu zajmacca miedycynskaj dziejnaściu.
51-hadovy Jakabus van Nirap, jaki atrymaŭ mianušku «dantyst-žach», pracavaŭ u nievialikim miastečku Šato-Šynon u centralnaj častcy Francyi.
Pavodle dadzienych śledstva, jon pryčyniaŭ surjoznyja kalectvy svaim pacyjentam, jakija znachodzilisia pad mocnym narkozam: niekatoryja ź ich vychodzili z kabinieta sa złamanaj skivicaj, vyrvanym zubami abo pačyrvaniełymi dziasnami.
Adna z pacyjentak zajaviła, što jon za adzin pryjom vyrvaŭ joj vosiem zuboŭ, paśla čaho jaje skivica spłyvała kryvioju na praciahu troch dzion.
Śledčyja kažuć, što van Nirap atrymlivaŭ zadavalnieńnie ad pryčynieńnia bolu pacyjentam.
Abarona padsudnaha śćviardžała, što ŭ padabaronnaha byli prablemy ź psichikaj. Sam van Nirap na sudovym pasiadžeńni nie vykazvaŭ nijakich emocyj i nie davaŭ kamientaroŭ.
Dantyst byŭ aryštavany ŭ červieni 2013 hoda, adnak jamu ŭdałosia źbiehčy z krainy i pierabracca ŭ Kanadu, adkul jon byŭ ekstradavany ŭ 2014 hodzie.
