30 krasavika, padčas vizitu ŭ miemaryjalny kompleks «Chatyń» lidar pucinskich matacyklistaŭ Alaksandr Załdastanaŭ skazaŭ, što ličyć Biełaruś i Ukrainu častkami Rasii. «Biełaruś — heta Rasija, Ukraina — heta Rasija», — zajaviŭ jon.
Pry hetym Załdastanaŭ — asoba publičnaja, vizit jahonaha kłuba «Načnyja vaŭki» aśviatlaŭsia ŭ rasijskich i biełaruskich miedyjach, a aktyvisty bresckaha BRSM navat zładzili pyšnuju sustreču rasijskim hastraloram.
Siońnia «Naša Niva» datelefanavałsia ŭ KDB z prośbaj prakamientavać hetyja słovy Załdastanava.
My źviarnuli ŭvahu na toje, što zajavu pucinskaha matacyklista možna kvalifikavać jak parušeńnie art. 361 KK Biełarusi, jaki praduhledžvaje adkaznaść za zakliki da parušeńnia terytaryjalnaj cełasnaści krainy dy inš.
«Kamientavać zajavy čałavieka, jaki byŭ u nieviadoma jašče ŭ jakim stanie, padčas ich vykazvańnia, ja nie budu», — skazaŭ nam pres-sakratar KDB Dźmitryj Pabiaržyn.
«Ale ja źviarnu ŭvahu našych kampietentnych padraździaleńniaŭ na heta», — zapeŭniŭ Pabiaržyn.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie24
Kamientary