Biełhidramiet papiaredžvaje pra patencyjnuju asteroidnuju niebiaśpieku 3 i 5 maja
3 i 5 maja biełarusam varta mieć na ŭvazie mahčymuju niebiaśpieku zbližeńnia Ziamli z asteroidam. Papiaredžańnie pra heta źjaviłasia na sajcie Hidramieteacentra.
3 maja naša płanieta zblizicca z asteroidam 444 584 (2006 UK). Minimalnaja adlehłaść da abjekta składzie 0,0458 a.a. (6,85 miljonaŭ kiłamietraŭ), chutkaść adnosna Ziamli ŭ momant maksimalnaha zbližeńnia — 16,22 km/s. Dyjamietr niabiesnaha cieła — 250-570 mietraŭ.
Druhoje zbližeńnie adbudziecca 5 maja — da Ziamli padydzie na minimalnuju adlehłaść asteroid 388 945 (2008 TZ3). Minimalnaja adlehłaść da Ziamli składzie 0.0337 a. je (5 miljonaŭ kiłamietraŭ), dyjamietr abjekta — 220-490 mietraŭ, jaho chutkaść — 9,65 km/s.
Abodva hetyja niabiesnyja cieły ŭ niekalki razoŭ bolšyja za «čelabinski mietearyt», dyjamietr jakoha byŭ kala 20 mietraŭ. Zhodna z raźlikami astranomaŭ, sutyknieńnia dvuch «majskich» asteroidaŭ ź Ziamloj nie adbudziecca — paśla zbližeńnia niabiesnyja cieły praciahnuć addalacca ad našaj płaniety.
Najbolšuju patencyjnuju niebiaśpieku dla Ziamli ŭjaŭlaje asteroid Apofis (99942 Apophis), jaki nablizicca da našaj płaniety 13 krasavika 2029 hoda. Jaho dyjamietr — 393 mietry, chutkaść — 7,42 km/s. Da Ziamli jon padydzie na adlehłaść 38,4 tysiačy kiłamietraŭ, što ŭ 10 razoŭ mienš za adlehłaść ad Ziamli da Miesiaca i paraŭnalna z vyšynioj hieastacyjanarnych spadarožnikaŭ (35 786 km).
Ciapier čytajuć
Čamu ŭ biełaruskaj turmie tak mocna chudziejuć? Tłumačym11
Kamientary