Zdavać CT pa čatyroch pradmietach i vybirać ź ich try najlepšyja možna budzie z 2017 hoda
Abituryjenty pry pastupleńni ŭ VNU zmohuć zdavać CT pa čatyroch pradmietach z 2017 hoda. Hetuju prapanovu padtrymaŭ siońnia Alaksandr Łukašenka na naradzie pa pytańniach karekciroŭki pravił pryjomu va ŭstanovy vyšejšaj i siaredniaj śpiecyjalnaj adukacyi.
Pry hetym pry pastupleńni ŭ VNU nieabchodna budzie pradjaŭlać vyniki troch testavańniaŭ. Što datyčycca abituryjentaŭ SSNU, to jany atrymajuć mahčymaść zdavać try CT i pradjaŭlać vyniki dvuch testavańniaŭ.
Jak adznačyŭ u razmovie z žurnalistami ministr adukacyi Michaił Žuraŭkoŭ, adobranaja navacyja ablehčyć vybar abituryjentaŭ pamiž blizkimi śpiecyjalnaściami, pry pastupleńni na jakija treba zdavać roznyja pradmiety ŭ jakaści druhich profilnych. «Heta daje mahčymaść abituryjentu zdać čatyry CT, a potym vybrać mienavita tyja try pradmiety pa napramku, na jaki jon usio ž vyrašyć padavać dakumienty», - rastłumačyŭ jon, uziaŭšy za prykład pastupleńnie ŭ VNU.
Akramia taho, kiraŭnik dziaržavy padtrymaŭ prapanovu ab tym, kab siertyfikat CT dziejničaŭ na praciahu dvuch hadoŭ, a taksama ab pavieličeńni kolkaści reziervovych dzion CT da troch.
Pa vynikach narady kiraŭnik krainy ŭchvaliŭ šerah prapanoŭ pa karekciroŭcy pravił pryjomu ŭ VNU i SSNU. Čakajecca, što ŭsie prapanavanyja navacyi ŭstupiać u siłu z 2017 hoda. Hetaja abituryjenckaja kampanija projdzie pa dziejučych praviłach.
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści6
Kamientary