Filip Ryžykaŭ znojdzieny, pošuki vialisia try dni. Paviedamlałasia, što jon vypaŭ za bort, kali sprabavaŭ vyłavić kiepku.
Kapitan jachty Filip Ryžykaŭ, što ŭpaŭ za bort 9 lipienia na Minskim mory, zahinuŭ, paviedamiŭ pošukava-vyratavalny atrad «Anioł» u svaim telehram-kanale.
«Na praciahu troch dzion pravodzilisia pošukavyja mierapryjemstvy na Minskim mory. Pošukaviki, dajviery i vałanciory PVA «Anioł» z sonarami, supracoŭniki milicyi, vadałazy, MNS, Tavarystva ratavańnia na vodach, RASN «Zubr» dy inšyja abśledavali akvatoryju vadajoma ŭ rajonie, dzie mužčyna vypaŭ ź jachty. U pošukach taksama brali ŭdzieł rodnyja i blizkija mužčyny», — havorycca ŭ paviedamleńni.
Viečaram piatnicy Filip Ryžykaŭ byŭ znojdzieny.
Pra incydent ź jachtaj na Minskim mory Onlíner uviečary ŭ sieradu paviedamiŭ čytač.
«Kapitan sprabavaŭ vyłavić bahrom kiepku, jakuju zdźmuła (z-za mocnaha vietru ŭčora byŭ škvał). Vypaŭ za bort i čamuści pajšoŭ na dno», — raspavioŭ minčuk.
U čaćvier infarmacyju paćvierdzili ŭ Tavarystvie ratavańnia na vodach. Pavodle papiarednich danych, usio adbyłosia 9 lipienia kala 15:00.
«Ź sierady viaducca pošukavyja raboty. Pryciahnuty supracoŭniki MNS na troch katarach z dvuma sonarami. Daśledavana kala dvuch kvadratnych kiłamietraŭ płoščy vadajoma», — paviedamiŭ načalnik vyratavalnaj stancyi «Zasłaŭje-1» Aleh Lucko.
Pavodle źviestak «Anioł»a, Filip Ryžykaŭ — škipier z bolš čym dziesiacihadovym dośviedam pracy ŭ akvatoryi Minskaha mora i ŭłaśnik jacht-kłuba Feelsea.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
A čyja była kiepka?