Prezientacyja biełaruskaha pierakładu knihi karala repartažnaj žurnalistyki Ryšarda Kapuścinskaha «Čornaje dreva. Afrykanskaja lichamanka» z udziełam pierakładčyka Jaŭhiena Salejčuka. Čakajecca, što ŭ prezientacyi voźmie ŭdzieł Śviatłana Aleksijevič.
Pres-kłub (vulica Viery Charužaj, 3-601). Pačatak a 18. Uvachod – volny.
Pry padtrymcy Pasolstva Respubliki Polšča ŭ Respublicy Biełaruś i Polskaha Instytutu ŭ Minsku
Prezientacyja knihi stanie zaklučnym etapam majstar-kłasaŭ «Repartaž: sakrety prafiesijnaha majsterstva», jakija projduć 7-8 maja ŭ Pinsku i Minsku. Arhanizatary majstar-kłasaŭ — Pasolstva Polščy ŭ Biełarusi i Žurnalisckaja majsternia Pres-kłub.
***
Narodžany ŭ biełaruskim Pinsku, Ryšard Kapuścinski – lehienda polskaj repartažnaj žurnalistyki, vandraŭnik i piśmieńnik, viadomy va ŭsim śviecie. Čas, apisany ŭ hetaj knizie, – pierałomny dla asensavańnia svajho šlachu i ułasnaha miesca ŭ žyćci čałaviectva. Kniha pra kryvavyja revalucyi, vypadkovyja pieramohi i parazy, rasavy antahanizm, hoład, epidemii, karupcyju, haleču. I pra nievymoŭnuju prahu žyćcia.
Kniha pra afrykanski kosmas, usio jašče nie darešty źviedany i zrazumieły jeŭrapiejcam. Tam vieličnaja pryhažość pryrody susiedničaje ź dzikunskim ubostvam čałaviečaha žyćcia. Cień i vada kaštoŭniejšyja za ŭsie skarby śvietu. I rasavyja zababony macniejšyja čym dzie.
Kniha vyjšła ŭ vydaviectvie «Łohvinaŭ».
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary