Aŭstralijskija navukoŭcy praviali analiz dadzienych za 30 hadoŭ i pierakanalisia, što vykarystańnie mabilnych telefonaŭ nie padvyšaje ryzyku zachvorvańnia na rak mozhu.
Vyniki daśledavańnia apublikavanyja ŭ časopisie Cancer Epidemiology.
Mabilnyja telefony źjavilisia ŭ Aŭstralii ŭ 1987 hodzie, i da 2014 hodzie imi karystalisia 94 pracenty nasielnictva. Supracoŭniki Sydnejskaha ŭniversytetu vyvučyli dadzienyja pa ŭzroŭni karystańnia mabilnaj suviaźziu i pa zachvorvańni na rak mozhu (usimi jaho formami) z nacyjanalnaha rehistru z 1982 da 2012 hodu.
Usiaho za hety peryjad było zafiksavana 19 858 vypadkaŭ złajakasnych novaŭtvareńniaŭ mozhu ŭ mužčyn i 14 222 — u žančyn. Navukoŭcy zmadelavali zachvorvańnie pa ŭzrostavych hrupach (20-39, 40-59, 60-69 i 70-84 hady) z ulikam mierkavanych dadzienych pra ŭzrovień adnosnaj ryzyki raku mozhu ŭ 1,5 u karystalnikaŭ mabilnych telefonaŭ i 2,5 u «zaŭziatych» karystalnikaŭ (kala 19 pracentaŭ ad ahulnaj kolkaści).
Vyśvietliłasia, što ŭzrovień zachvorvańnia na rak mozhu zastaŭsia stabilnym na praciahu 30 hadoŭ, achoplenych daśledavańniem. Značny rost kolkaści vypadkaŭ naziraŭsia tolki siarod ludziej starejšych za 70 hadoŭ, adnak jon pačaŭsia ŭ 1982 hodzie, kali mabilnych telefonaŭ u šyrokim vykarystańni jašče nie było. Na dumku daśledčykaŭ, taki rost źviazany z udaskanaleńniem metadaŭ dyjahnostyki, u pryvatnaści ukaranieńniem KT i MRT, i pavyšeńniem vyjaŭlalnaści raku.
Atrymanyja dadzienyja adpaviadajuć vynikam papiarednich epidemijalahičnych daśledavańniaŭ, jakija nia vyjavili pryčynnaj suviazi pamiž vykarystańniem mabilnaj suviazi i zachvorvańniem na rak mozhu.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary