Taškienckija milicyjaniery zryvajuć hieorhijeŭskija stužki z aŭtamabilaŭ

U «Azadlik» (Uźbiekskuju redakcyju radyjo «Svaboda») źviarnuŭsia žychar Taškienta Marufžon i adpraviŭ reparcioram fatahrafiju, na jakoj adlustravana «hieorhijeŭskaja stužka», paviešanaja na ŭnutrysałonnaje lusterka jaho aŭtamabila. Surazmoŭca paskardziŭsia, što napiaredadni supracoŭniki milicyi, jakija spynili jaho mašynu, zahadali jamu źniać ź lusterka «Hieorhijeŭskuju stužku».
— Narad milicyi spyniaje kožny aŭtamabil, u sałonie jakich paviazana «hieorhijeŭskaja stužka». Zatym kiroŭcam zahadvajuć prybrać stužki. Kali ja spytaŭsia ŭ ich: «Navošta heta treba?», jany mnie zajavili: «Heta pahroza darožnaj biaśpieki i pieraškadžaje kiravańniu aŭtamabilem». Ja zrazumieŭ, što zadavać im lišnija pytańni nie varta. Maju mašynu praviaraŭ adzin lejtenant, zzadu stajali jašče čatyry milicyjanty, - kaža žychar Taškienta Marufžon, jaki niekalki dzion tamu ŭziaŭ «hieorhijeŭskuju stužku» ŭ pasolstvie Rasii, kab pryviazać jaje da ŭnutranysałonnaha lusterka svajho aŭtamabila.
Miž tym, jak paviedamlaje internet-vydańnie Uzmetronom, pieršaje paviedamleńnie ŭ redakcyju dadzienaha vydańnia na dziejańni supracoŭnikaŭ HUBDD MUS Uźbiekistana, jakija zmušajuć kiroŭcaŭ aŭtatranspartu zdymać «hieorhijeŭskija stužki», prymacavanyja ŭ honar 71-j hadaviny Dnia pieramohi, pastupiła 4 maja hetaha hoda.
Kamientary