Ministr adukacyi Biełarusi Michaił Žuraŭkoŭ nie vyklučaje pavyšeńnia koštu navučańnia ŭ VNU. Pra heta jon paviedamiŭ padčas Respublikanskaj univiersiteckaj suboty ŭ Minsku.
«Viadoma, kaliści pavyšacca budzie (košt navučańnia), bo ŭsie taryfy ŭ nas u krainie rastuć. Vyrasła i staŭka pieršaha razradu, kamunalnyja pasłuhi vyraśli. Heta značny vydatak i ŭ univiersitetach», - skazaŭ Michaił Žuraŭkoŭ.
Za košt navučańnia adkazvaje asabista rektar kožnaha univiersiteta. Cana farmujecca zychodziačy ź nieabchodnych vydatkaŭ na padrychtoŭku śpiecyjalista, rastłumačyŭ ministr. «Ja ŭvažliva saču za vydatkami univiersitetaŭ. I pa pradstaŭlenych dadzienych, na žal, ciapier pa płatnym navučańni praktyčna ŭsie VNU majuć admoŭnuju rentabielnaść», - adznačyŭ ministr.
«U bližejšy čas, ja dumaju, kožny ŭniviersitet ŭvažliva razhledzić hetaje pytańnie i pradstavić užo novy košt zychodziačy z taho, kab navučańnie nie było stratnym», - skazaŭ Michaił Žuraŭkoŭ.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary