«My pavinny pryniać usie miery dla adnaŭleńnia vytvorčaha patencyjału, jaki byŭ paralizavany buržuazijaj», — zajaviŭ Madura na mitynhu ŭ Karakasie.
Jon taksama rasparadziŭsia pravieści vajskovyja vučeńni na miažy z Kałumbijaj, paśla taho jak prezident hetaj krainy Manuel Santas zaklikaŭ da abarony apazicyjnych partyj Vieniesueły.
Tym časam prychilniki apazicyi pravodziać akcyi pratestu ŭ Karakasie, patrabujučy adstaŭki prezidenta.
U piatnicu Madura abviaściŭ u krainie nadzvyčajnaje stanovišča, patłumačyŭšy heta nieabchodnaściu dać adpor «ahresii Zachadu», jakaja, na jaho dumku, vinavataja ŭ prablemach Vieniesueły. Pry hetym sama pastanova pakul nie była nidzie apublikavanaja.
Heta rašeńnie było pryniata, u pryvatnaści, paśla taho, jak najbujniejšy ŭ krainie vytvorca napojaŭ i praduktaŭ charčavańnia Polar Group prypyniŭ vytvorčaść piva z 30 krasavika, zajaviŭšy, što niekampietentnaść uład zrabiła niemahčymym impart jačmieniu. Uładalnik kampanii Łarensa Miendoza — zaŭziaty praciŭnik Madura.
Apazicyja abvinavačvaje prezidenta ŭ vykarystańni nadzvyčajnaha stanovišča, kab paźbiehnuć refierendumu ab svajoj adstaŭcy. Apazicyjaniery ŭžo sabrali bolš za 1,8 młn podpisaŭ na karyść praviadzieńnia takoha refierendumu.
Ekanamičny kryzis u Vieniesuele ŭ apošnija hady pryvioŭ da niedachopu praduktaŭ charčavańnia i deficytu pradmietaŭ pieršaj nieabchodnaści, u pryvatnaści tualetnaj papiery, hihanckich čerhaŭ i epizodaŭ maradziorstva.
