U Maładziečnie (Minskaja vobłaść) zatrymany aktyvist Pavieł Siarhiej, paviedamlaje sajt spring96.org.
Aktyvist byŭ zatrymany 14 maja kala 17 hadzin za ŭdzieł u pikiecie suprać budaŭnictva śvinakompleksaŭ, jaki prajšoŭ pierad budynkam Maładziečanskaha rajvykankama 12 maja.
Nahadajem, u pikiecie, jaki pieraros u mitynh, uziali ŭdzieł vosiem čałaviek, u tym liku kaardynatar arhkamiteta pa stvareńni partyi «Biełaruskaja chryścijanskaja demakratyja» pa Minskaj vobłaści Pavieł Prakapovič i staršynia barysaŭskaj arhanizacyi Biełaruskaj sacyjał-demakratyčnaj partyi (Hramada) Alaksandr Abramovič. Paźniej da jaho dałučylisia i aktyvisty hramadzianskaj ekałahičnaj inicyjatyvy «Cana žyćcia», u jakuju ŭvachodzić i Pavieł Siarhiej.
Udzielniki pikietu pratestavali suprać budaŭnictva kompleksaŭ biez naležnaj ekałahičnaj prapracoŭki hetych abjektaŭ. Jany trymali płakaty «Nie śvinstvu ŭładaŭ!» i «Chto adkaža za źniščanuju ekałohiju?». Aktyvisty-ekołahi razharnuli raściažki «Nie budaŭnictvu śvinarnika!» i «Budujučy śvinarnik, kapajecie sabie mahiłu!».
Pikiet zaviaršyŭsia składańniem pratakołaŭ u dačynieńni da jaho ŭdzielnikaŭ.
