Dziaržaŭny sakratar ZŠA Džon Kiery zajaŭlaje, što NATA nie vierniecca da tych stasunkaŭ z Rasijaj, jakimi jany byli raniej, da vykanańnia Minskich damoŭlenaściej u poŭnym abjomie.
Pra heta Kery zajaviŭ siońnia na pres-kanfierencyi ŭ Brusieli z nahody pieršaha dnia pasiadžeńnia ministraŭ zamiežnych spraŭ krain-členaŭ Paŭnočnaatłantyčnaha aljansu.
«NATA pavinna być adkrytym dla palityčnaha dyjałohu z Rasijaj, ale my ŭstrymajemsia ad zvyčajnaha supracoŭnictva da vykanańnia Minskich damoŭlenaściej u poŭnym abjomie. I heta krytyčna. Nie rabicie nijakich pamyłak. My nie pryznajem anieksiju i akupacyju Kryma», — padkreśliŭ Kery.
Pavodle jaho słoŭ, ministry zamiežnych spraŭ krain-siabroŭ NATA siońnia «pierahledziać pracu pa ŭmacavańni ŭschodniaha fłanhu».
«Klučavy aśpiekt našaj reakcyi na dziejańni Rasii va Ukrainie — heta vykanańnie abaviazacielstvaŭ, uziatych va Uelsie adnosna inviestycyj u abaronu, praciah uzmacnieńnia našych mahčymaściaŭ. Mienavita tamu my robim svoj układ u 3,4 młrd dalaraŭ u inicyjatyvu jeŭrapiejskich harantyj», — padkreśliŭ dziaržaŭny sakratar.
Jon taksama adznačyŭ, što ZŠA całkam addanyja palitycy «adkrytych dźviarej» NATA.
