Nočču 21 maja inśpiektary DAI Małaryckaha RAUS pasprabavali spynić «Opiel Kadet» na aŭtadarozie R-17 «Ołtuš – Małaryta». Adnak kiroŭca aŭtamabila nie vykanaŭ patrabavańni ab spynieńni i pahnaŭ na vysokaj chutkaści ŭ kirunku Małaryty.
Inśpiektarami było pryniata rašeńnie pra pieraśled parušalnika. Z uklučanymi majačkami i vykarystańniem hukavoj sihnalizacyi, pačałasia pahonia. Na nieadnarazovyja patrabavańni ab prypynku kiroŭca nie reahavaŭ i praciahvaŭ ruch na vysokaj chutkaści, stvarajučy pahrozu inšym udzielnikam darožnaha ruchu.
Kiroŭca tolki pavyšaŭ chutkaść. Kab paźbiehnuć bolš surjoznych nastupstvaŭ, inśpiektarami było pryniata rašeńnie ab vykarystańni tabielnaj zbroi. Kiroŭcu papiaredzili pra toje, što budzie vykarystana zbroja, paśla čaho byli zrobleny dva papieradžalnyja streły ŭ pavietra, a zatym niekalki prycelnych strełaŭ pa kołach.
U vyniku, parušalnik byŭ zatrymany na 50-m kiłamietry aŭtadarohi R-17 «Małaryta — Chacisłaŭ — Sušytnica».
Kiroŭcam akazaŭsia 24-hadovy žychar vioski Nikolskaje. Aŭtamabil ź miechaničnymi paškodžańniami zadniaha levaha koła, paliŭnaha baka i piaredniaha levaha kryła, dastaŭleny na štrafstajanku ŭ Małarycie. Pry pieraśledzie i vykarystańni zbroi nichto nie paciarpieŭ.
Ustanoŭlena, što vadziciel kiravaŭ transpartnym srodkam znachodziačysia ŭ stanie ałkaholnaha apjanieńnia. U dačynieńni da kiroŭcy składziena 6 pratakołaŭ ab administracyjnych pravaparušeńniach, paviedamlaje DAI Bresckaha abłvykankama.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary