Symbal.by zapuściŭ novy sajt: źnižki da 50% na vyšyvanki i rečy z «Pahoniaj»
Internet-krama Symbal.by zapuściła novy sučasny i zručny sajt, jaki dazvalaje zamaŭlać i atrymlivać tavary nie tolki ŭ lubym kutku Biełarusi, a i pa ŭsim śviecie. Na abnoŭlenym sajcie papularnaj placoŭki, akramia mahčymaści apłaty kartkaj, źjaviłasia i šmat inšych cikavostak, ź jakimi siońnia znajomim čytačoŭ.
10 cikavych navinak na sajcie Symbal.by
1. Źjaviŭsia raździeł «Źnižki i akcyi»,
dzie možna nabyć šmatlikija tavary sa źnižkaj ad 10 da 50 %. Rečy na akcyi ŭ raździele źmianiajucca niekalki razoŭ na miesiac.
Naprykład, ciapier u raździele raźmieščany dyzajnierskija miatliki, ilnianyja torby z «Pahoniaj», pryntami «Žyvie Biełaruś» i «Lublu Biełaruś»,«partyzanskija» cišotki, ściahi i vokładki na pašpart, suvieniry z hierbam BNR, vycimajki «Śviata» i «Dudary», paštoŭki ad Lavona Volskaha dy inšyja rečy.
Pracuje i śpiecyjalnaja akcyja dla čytačoŭ «Našaj Nivy». Afarmlajučy zamovu praz sajt symbal.by, ŭviadzicie ŭ śpiecyjalnym poli proma-kod nasaniva2016 - i atrymajcie ahulnuju źnižku 5% na ŭsie tavary, akrom akcyjnych.
2. Padarunkavyja siertyfikaty na sumy ad 250 tysiač da miljona
biełaruskich rubloŭ palehčać vybar padarunkaŭ na luboje śviata.
3. Jašče adna navinka – raździeł «Pasłuhi».
Praź jaho ciapier možna zrabić piersanalnuju ci karparatyŭnuju zamovu na vyrab proma-pradukcyi ci suvieniraŭ u biełaruskim styli.
4. Pierśpiektyŭny kirunak raźvićcia Symbal.by – heta prasoŭvańnie roznych biełaruskamoŭnych adukacyjnych i zabaŭlalnych pasłuh.
Užo zaraz u raździele «Zabaŭlalnyja pasłuhi» raźmieščanyja pieršyja prapanovy: vystupy na karparatyŭnych śviatach i mierapryjemstvach hurtoŭ «Amaroka», «Hurma», «Liepšy kvas», «Amplituda Śmiełaści», śpievaka i pijanista Piatra Klujeva ci kavier-bendu «Art-siadziby» ź biełaruskamoŭnym viadučym Alaksiejem Saprykinym i suśvietnymi chitami pa-biełarusku.
U chutkim časie ŭ hetym raździele z realnymi cenami i kankretnymi prapanovami źjaviacca inšyja muzyčnyja, zabaŭlalnyja i adukacyjnyja pasłuhi.
5. Raździeł «Drukavanyja tavary»pryśviečany paštoŭkam, natatnikam i kniham, jakija vyklikali rezanans
i, pa biełaruskich mierkach, stali bestselerami: «Dziciačaja ZaMova» Hleba Łabadzienki, sieryja «Kraina Biełaruś» Uładzimiera Arłova, «Siem kamianioŭ» Alaksieja Šeina, «Heta Biełaruś, dzietka», «20 krokaŭ da biełaruskaj movy» dy inšyja.
6. Jašče adzin ekskluziŭ možna znajści ŭ raździele «Dyski» – čatyry rarytetnyja CD-albomy «N.R.M.» załatoha składu,
jakija taksama ŭžo źjaŭlajucca simvałami Biełarusi, a pieśni ź ich stali lehiendarnymi.
7. Ciapier Symbal.by heta jašče i rekłamnaja placoŭka dla rečaŭ i źjaŭ, jakija papularyzujuć biełaruskija simvały, movu, historyju i tradycyi.
Funkcyja «Virtualnyja tavary» dazvalaje raźmiaščać tematyčnyja rečy inšych vytvorcaŭ i kramaŭ z pramoj spasyłkaj na miesca prodažu. Apošni prykład – srebnyja vyraby ź biełaruskimi ŭzorami juvielirnaj sietki «Alte».
8. Ahulnaja kolkaść padpisantaŭ na staronki kramy ŭ sacyjalnych sietkach dasiahnuła 34 tysiač: Instagram – 8 005, Facebook – 13 433, Vk – 9 941, Twitter – 2 693.
Ciapier Symbal.by – lidar va ŭsich sacyjalnych sietkach siarod biełaruskamoŭnych brendaŭ, a taksama ŭvachodzić u top-12 staronak Facebook siarod ŭsich brendaŭ Biełarusi.
9. Ź sistemaj sajta «WooCommerce» ciapier lohka i chutka sfarmavać zamovu ŭ «košyk» dy vybrać varyjanty dastaŭki i apłaty:
pa Biełarusi ci śviecie, samavyvaz ci pasyłka, kartkaj ci nakładzienym płaciažom.
10. U pierśpiektyvie na sajcie Symbal.by źjavicca mahčymaść nabyćcia elektronnych tavaraŭ:
knihi dla čytałak, biełaruskamoŭnyja muzyčnyja relizy, dyzajnierskija prynty i t.d., a taksama «barachołka», jakaja dazvolić ludziam asabista raźmiaščać svaje vyraby, u adpaviednaści z tematykaj kramy, dy pradavać ich.
Z usimi prapanovami supracy i pytańniami da kamandy Symbal.by možna źviartacca praz kantakty na sajcie.
Symbal.by — heta ŭnikalnaja placoŭka, jakaja zajmajecca papularyzacyjaj i pašyreńniem rečaŭ i źjaŭ, jakija pryśviečanyja biełaruskaj movie, kultury i historyi. Na placoŭcy raźmieščanyja rečy, jakija stvoranyja biełarusami i pa-biełarusku, dychajuć biełaruščynaj, narodnym kałarytam dy zdarovym patryjatyzmam. Kali vy šukajecie admietny padarunak albo rečy z histaryčnaj, narodnaj i nacyjanalnaj simvolikaj, to najlepšyja pracy talenavitych biełaruskich majstroŭ dla vas u adnym miescy źbiraje Symbal.by.
IP Biełavus P.M., UNP 691764397
Łukašenka pamiłavaŭ eks-kiraŭnika svajoj achovy Uciuryna6
Kamientary