Bolš za 10 tysiač katolikaŭ vyjšła 29 maja na vulicy Minska, kab prajści ŭ pracesii Božaha Cieła. Darosłyja, moładź i dzieci prajšli ad kaścioła Najśviaciejšaj Trojcy (sv. Rocha) na Załatoj Horcy da archikatedry Imia Najśviaciejšaj Panny Maryi ŭračystaj pracesijaj, prasłaŭlajučy Boha ŭ Najśviaciejšym Sakramencie.
Pracesija Božaha Cieła stała ŭžo tradycyjnaj dla Minska, adnak, jak i raniej, kožny hod źbiraje vialikuju kolkaść viernikaŭ nie tolki sa stalicy, ale i ź inšych haradoŭ. Sioletniaja pracesija — adna z samych maštabnych.
Eŭcharystyčnaje nabaženstva pačałosia śviatoj Imšoj la kaścioła sv. Rocha, jakuju celebravaŭ Mitrapalit Minska-Mahiloŭski arcybiskup Tadevuš Kandrusievič.
«Čarhovy raz Božy Provid dazvalaje nam adznačać uračystaść Najśviaciejšaha Cieła i Kryvi Chrysta, jakuju tradycyjna my nazyvajem śviatam Božaha Cieła. Znachodziačysia ŭ Śviatoj Eŭcharystyi, Jezus vychodzić pa-za miežy kaściołaŭ i kaplic, kab być bližej da čałavieka, da miesca jaho pracy, adpačynku i prabyvańnia», — zaŭvažyŭ Mitrapalit Tadevuš Kandrusievič u hamilii.
31 maja ijerarch budzie adznačać 35-ju hadavinu svajho preźbiterskaha paśviačeńnia. Tamu ŭ hamilii arcypastyr dziakavaŭ usim śviataram i ludziam dobraj voli za padtrymku i prasiŭ ab malitvie ŭ jaho intencyi.
«Siońnia dziakuju Bohu za dar śviatarstva i 35 hadoŭ śviatarskaha słužeńnia. Dziakuju za toje, što ŭžo try z pałovaj dziesiacihodździ Jon dazvalaje mnie kožny dzień padymać kansekravanuju Hostyju, jak dar dla mianie samoha i dla ludziej, jakim ja słužyŭ u Litvie, Biełarusi, Rasii i iznoŭ słužu ŭ Biełarusi. Dziakujučy sakramentu śviatarstva patrebnaja dla zbaŭleńnia Božaja łaska prychodzić da ludziej», — skazaŭ Mitrapalit Tadevuš Kandrusievič.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha16
Kamientary