Rasija pahadziłasia na razhortvańnie ŭzbrojenaj palicejskaj misii ŭ Danbasie.
Pra heta ŭ sieradu, 1 červienia, paviedamlaje «Interfaks» sa spasyłkaj na administracyju prezidenta Ukrainy.
«Pa vynikach pieramovaŭ u «narmandskim farmacie» my dasiahnuli adzinstva ŭ pazicyjach i damoŭlenaści ab tym, što my pačynajem pracu ŭ Vienie na ŭzroŭni pastajannych pradstaŭnikoŭ dziaržaŭ — udzielnic «narmandskaha farmatu» pry ABSIE, i ŭ pierśpiektyvie - z pryciahnieńniem usich krain ABSIE. Bo nam nieabchodny budzie kansiensus usich dziaržaŭ — udzielnic Arhanizacyi adnosna razhortvańnia misii na Danbasie. Na heta pahadziŭsia i rasijski bok», — skazaŭ namieśnik kiraŭnika administracyi prezidenta Ukrainy Kanstancin Jelisiejeŭ.
Jon dadaŭ, što ŭłady Ukrainy majuć zapisy ŭsich telefonnych razmoŭ, jakija paćviardžajuć zhodu Uładzimira Pucina na raźmiaščeńnie mienavita ŭzbrojenaj palicejskaj misii ABSE.
«Adzinaje, što ja adznaču, što lidary sapraŭdy nie abmiarkoŭvali detali, bo heta ŭžo pavinny rabić ekśpierty i śpiecyjalisty dla taho, kab napracavać i dać adpaviednyja prapanovy na zaćviardžeńnie kiraŭnikoŭ krain «narmandskaj čaćviorki»», — skazaŭ Jelisiejeŭ.
Abviaržeńnie: MZS Rasii: Maskva nie zhadžałasia na raźmiaščeńnie vajenizavanaj misii ŭ Danbasie
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary