«Kava z historykam» zaprašaje na kruhły stoł pra sud i prava ŭ Vialikim Kniastvie Litoŭskim
21 červienia a 15:00 u Muziei Volnaj Biełarusi ŭ Varšavie (Foksal 11) projdzie kruhły stoł «Sud i prava ŭ VKŁ druhoj pałovy XIII — XVIII stahodździa».
Pravasudździe źjaŭlałasia adnym z najvažniejšych składnikaŭ i atrybutaŭ palityčnaj ułady, srodkam niepasredniaj kamunikacyi i ŭzajemadziejańnia nazvanaj ułady i hramadstva. Naležnaje/nienaležnaje vykanańnie sudovaj funkcyi vyznačała aŭtarytet i lehitymnaść hetaj ułady, stupień łajalnaści hramadstva, roznych supolnaściaŭ i sacyjalnych hrup u adnosinach da jaje, pravakavała sacyjalnyja i palityčnyja ruchi, intelektualny i palemičny dyskursy, pryniaćcie važnych palityčnych rašeńniaŭ.
Takim było značeńnie sudovaj sistemy i ŭ Vialikim Kniastvie Litoŭskim ciaham usiaho pieryjadu svajho isnavańnia. Jość padstavy mierkavać, što mienavita sudovaja funkcyja stała adnym z najvažniejšych faktaraŭ terytaryjalnaha rostu hetaj dziaržavy, intehracyi jaje ziamiel i roznych z punktu hledžańnia kultury, relihii i ideałohij supolnaściaŭ u adnu palityčnuju sistemu, unutranych pieraŭtvareńniaŭ, jakija pryviali da ŭźniknieńnia ŭ 1569 h. novaha palityčnaha ŭtvareńnia — Rečy Paspalitaj, jakaja nadoŭha abjadnała Karaleŭstva Polskaje i Vialikaje Kniastva Litoŭskaje.
- Jak adroźnivalisia sudovyja sistemy krain, jakija isnavali ŭ Siaredniavieččy i Novy čas, ad sučasnych?
- U čym zaklučałasia śpiecyfika sudoŭ Vialikaha Kniastva Litoŭskaha, ad sudoŭ inšych krain-susiedziaŭ?
- Jakija sudy šlachta jak «palityčny narod» Vialikaha Kniastva ličyła idealnym?
- Jak źjaviŭsia Trybunał Vialikaha Kniastva Litoŭskaha i jakim było jaho značeńnie dla šlachty?
- Jak pracavała źmienlivaja i składanaja sudovaja sistema Vialikaha Kniastva Litoŭskaha ŭ druhoj pałovie XIII — XVIII stahodździa.
Na hetyja i inšyja pytańni pastarajucca dać adkazy ŭdzielniki kruhłaha stała Alaksandr Hruša, Andrej Macuk i Andrej Radaman.
Pradmietam uvahi pasłužać sud vialikaha kniazia i panoŭ rady, hrodskija i ziemskija sudy, asesarski sud, Trybunał Vialikaha Kniastva, a taksama inšyja sudovyja instytuty.
Tranślacyja i zapis sustrečy buduć na YouTube-kanale.
«Jaho nazyvali prosta «Kocik». U Varšavie raskažuć pra zabojcu rasijskaha cara
Źmicier Bartosik praviadzie piesienna-aniekdatyčnaje padarožža «Na ruinach Vialikaha Kniastva…»
«Kava z historykam» zaprašaje na kruhły stoł pra pamiać i archivy
«Kava z historykam» pačynaje novy siezon razmovaj pra manarchiju, impieryju i kałonii
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary