Naviednikaŭ kancerta hurtu Brutto ŭ Dniapry evakuiravali z-za infarmacyi ab miniravańni. Pasiarod kancerta prysutnych paprasili pakinuć pamiaškańnie, pišuć miascovyja ŚMI.
Na staroncy Brutto ŭ fejsbuku źjaviŭsia kamientar vakalista Siarhieja Michałka z nahody pierapynienaha kancerta: «Vyjšli za ołd-skuł na hanak kłuba «Kvadrat» i družnym siamiejnym kołam śpiavali «Voiny Śviatła», «Hraj» i «Ja vieru». Na bis — «Sonca» choram z novymi siabrami Brutto! Dziakuj, chłopcy, za vytrymku i afihiennuju atmaśfieru», — skazaŭ muzyka.
Siarhiej Michałok stvaryŭ Brutto paśla taho, jak raspuściŭ svoj stary hurt «Lapis Trubiackoj». Vostrasacyjalny źmiest piesień Michałka vyklikaŭ zabaronu jaho kancertaŭ u Biełarusi i Rasii. Michałok pierajechaŭ na žycharstva va Ukrainu, dzie i vystupaje najčaściej. Na jaho kancerty ŭ Vilni, Biełastoku, Varšavie i Kijevie pryjazdžajuć tysiačy biełarusaŭ.
Pieśnia «Hraj» stała adnoj z samych papularnych piesień na biełaruskaj movie za ŭsie časy. Michałok vykonvaje jaje na kožnym kancercie.
4 červienia Brutto vystupaje na fiestyvali na Tarasavaj Hary, a 5 červienia — u Čarkasach.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)