Dva milicyjaniery ŭ Hrodnie dźvie hadziny trymali słup, kab toj nie ŭpaŭ
Major milicyi Siarhiej Mularčyk i małodšy lejtenant milicyi Mark Juchnievič padčas XI Respublikanskaha fiestyvalu nacyjanalnych kultur nieśli słužbu na vulicy Savieckaj u Hrodnie. U toj dzień na masavyja hulańni vyjšli kala 120 tysiač čałaviek, i mienavita na Savieckaj raźmiaščałasia niekalki padvorkaŭ, tamu tut było šmat ludziej, paviedamlaje pres-słužba UUS Hrodzienskaha abłvykankama.
Raptam da milicyjantaŭ padbiehła hramadzianka i ŭ panicy paviedamiła, što nasuprać univiermaha na ludziej padaje lichtarny słup. Pravaachoŭniki nieadkładna nakiravalisia da miesca zdareńnia i ŭbačyli, što sapraŭdy ŭ aśviatlalnaj mačty łopnuła padporka. Viecier haniaŭ jaje z boku ŭ bok.
Milicyjanty paprasili ludziej adyści dalej ad słupa, jaki važyć bolš za sto kiłahramaŭ. Dapamahli taksama vuličnym handlaram pieranieści stoliki z tavaram na biaśpiečnuju adlehłaść. Dalej udvoch stali ŭtrymlivać chistkuju kanstrukcyju, paralelna paviedamlajučy kiraŭnictvu ab tym, što zdaryłasia. Na miesca prybyŭ načalnik UAPP UUS Hrodzienskaha abłvykankama pałkoŭnik milicyi Viačasłaŭ Bakłaha: jon źviazaŭsia z «kamunalnikami», kab tyja demantavali słup, a taksama vyklikaŭ na dapamohu kaleham jašče dvuch supracoŭnikaŭ majoraŭ milicyi Vitala Zieziuleviča i Paŭła Chamylova.
Apošnija pratrymali słup jašče paŭtary hadziny, bo technika nie mahła padjechać na miesca z-za vialikaj kolkaści ludziej.
U vyniku kanstrukcyju paśpiachova demantavali, a fiestyval prajšoŭ biez surjoznych zdareńniaŭ.
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary