Deputaty Dziarždumy pryniali ŭ trecim čytańni zakon, pavodle jakoha zamiežnyja kampanii, jakija handlujuć praź internet elektronnym kantentam na terytoryi Rasii, buduć vypłačvać padatak na dadanuju vartaść (viadomy jak «padatak na Google»).
Pavodle pryniataha zakona, zamiežnym kampanijam spatrebicca zarehistravacca ŭ admysłovym elektronnym uliku Padatkovaj słužby i płacić padatki naroŭni z rasijskimi kampanijami, jakija pracujuć u tym ža siehmiencie rynka.
Tak, padatkam na dadadzieny košt budzie abkładacca prodaž elektronnych knih, malunkaŭ, muzyki, aŭdyjovizualnych tvoraŭ, u tym liku i pradastaŭleńnie addalenaha dostupu da ich dla prahladu abo prasłuchoŭvańnia praź internet.
Taksama pad PDV traplaje realizacyja kampjutarnych prahram (uklučajučy kampjutarnyja hulni), baz dadzienych, u tym liku šlacham pradastaŭleńnia addalenaha dostupu da ich, uklučajučy abnaŭleńni i dadatkovyja opcyi. Padatkam na dadanuju vartaść budzie abkładacca akazańnie rekłamnych pasłuh, u tym liku z vykarystańniem prahram i baz dadzienych, jakija funkcyjanujuć u siecivie, a taksama pradastaŭleńnie rekłamnaj płoščy ŭ internecie.
Akramia taho, PDV buduć abkładacca pasłuhi pa raźmiaščeńni i nabyćci tavaraŭ, pradastaŭleńnie handlovych placovak u internecie dla ŭzajemadziejańnia pradaŭcoŭ i pakupnikoŭ, zachoŭvańnie i apracoŭka infarmacyi pry ŭmovie, što jaje ŭładalnik maje da jaje dostup praź internet, pradastaŭleńnie damiennych imionaŭ i pasłuh chostynhu, administravańnie sajtaŭ.
Nie traplaje pad abkładańnie PDV realizacyja tavaraŭ i pasłuh, kali pry zamovie praź internet pastaŭka tavaraŭ abo vykanańnie pasłuh ažyćciaŭlajecca biez vykarystańnia sieciva. Taksama nie budzie abkładacca PDV realizacyja prahram i baz dadzienych na materyjalnych nośbitach, kansultacyjnyja pasłuhi pa elektronnaj pošcie i akazańnie pasłuh pa pradastaŭleńni dostupu da internetu.
U zakonie praduhledžanyja i kampiensacyjnyja miery dla rasijskich arhanizacyj, jakija ažyćciaŭlajuć prodaž kantentu praź internet. U pryvatnaści, prapanujecca praduhledzieć prava prymać da vyliku sumy PDV pry akazańni elektronnych pasłuh, miescam realizacyi jakich nie pryznajecca Rasija.
Pryniatyja normy ŭstupajuć u siłu z 1 studzienia 2017 hoda.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary