Kronprync Irana paabiacaŭ pryznać Izrail i spynić jadziernuju prahramu
Syn apošniaha šacha Irana Reza Piechlevi ahučyŭ stratehiju reformaŭ u krainie ŭ vypadku padzieńnia režymu ajatoł.
Jon zajaviŭ, što jaho płan uklučaje admovu ad jadziernaj prahramy, pryznańnie Izraila i poŭnaje adkryćcio iranskaj ekanomiki dla śvietu.
Sa słoŭ syna apošniaha šacha Irana, vajskovaja jadziernaja prahrama Irana budzie spynienaja. Iran vystupić jak siabroŭskaja i stabilizacyjnaja siła ŭ rehijonie, a taksama stanie partnioram u zabieśpiačeńni hłabalnaj biaśpieki.
«Padtrymka terarystyčnych hrup nieadkładna spynicca. Svabodny Iran budzie supracoŭničać z rehijanalnymi i hłabalnymi partniorami ŭ baraćbie z teraryzmam, arhanizavanaj złačynnaściu, narkatrafikam i ekstremisckim isłamizmam», — zajaviŭ jon.
Akramia jadziernaha pytańnia, Piechlevi abiacaje radykalny pavarot u źniešniaj palitycy. U dypłamatyi adnosiny sa Złučanymi Štatami buduć narmalizavanyja.
Jaho płan praduhledžvaje aficyjnaje pryznańnie dziaržavy Izrail, Iran budzie imknucca pašyryć «Pahadnieńnie Abrahama».
Taksama jon abiacaje poŭnaje spynieńnie finansavańnia teraryzmu.
Piechlevi padkreśliŭ, što vielizarnyja pryrodnyja resursy Irana pavinny pracavać na hłabalnuju biaśpieku.
«U enierhietycy Iran vałodaje adnymi z najbujniejšych zapasaŭ nafty i hazu ŭ śviecie. Volny Iran stanie nadziejnym pastaŭščykom enierharesursaŭ dla volnaha śvietu. Farmavańnie palityki budzie prazrystym. Dziejańni Irana buduć adkaznymi. Ceny — pradkazalnymi», — dadaŭ Piechlevi.
Što tyčycca prazrystaści i kiravańnia, Iran budzie prytrymlivacca mižnarodnych standartaŭ i zabiaśpiečvać ich vykanańnie. Budzie pakładzieny kaniec admyvańniu hrošaj, a arhanizavanuju karupcyju vykaraniać. Dziaržaŭnyja ŭstanovy stanuć padspravazdačnymi narodu.
Akramia taho, Piechlevi ličyć, što adukavanaje nasielnictva i mahutnaja dyjaspara stanuć ruchavikami chutkaha rostu.
«U ekanomicy Iran — adzin z apošnich bujnych niavykarystanych rynkaŭ śvietu. Našy ludzi adukavanyja, sučasnyja, a dyjaspara złučaje ich sa ŭsim śvietam. Demakratyčny Iran adkryje svaju ekanomiku dla handlu, inviestycyj i inavacyj. Iran budzie imknucca inviestavać u mir», — padkreśliŭ Piechlevi.
Jon padsumavaŭ, što jaho płan — «heta nie prosta mara, a kankretny šlach da stabilnaści, jaki karysny nie tolki irancam, ale i ŭsioj suśvietnaj supolnaści».
«Padzieńnie Isłamskaj Respubliki i ŭstanaŭleńnie śvieckaha, demakratyčnaha ŭrada ŭ Iranie nie tolki viernie hodnaść majmu narodu, ale i pryniasie karyść rehijonu i ŭsiamu śvietu. Volny Iran stanie siłaj, jakaja budzie sadziejničać miru, dabrabytu i partniorstvu», — dadaŭ Piechlevi.
«Novy etap paŭstańnia»: kronprync Irana zaklikaŭ zachoplivać dziaržaŭnyja ŭstanovy i pasolstvy
Syn apošniaha šacha. Chto taki Reza Piechlevi, čyje imia vykrykvajuć paŭstancy irancy
«Jany prosta praciahvali zabivać». Što vidavočcy kažuć pra kryvavaje padaŭleńnie pratestaŭ u Iranie
Čym ciapierašnija pratesty ŭ Iranie adroźnivajucca ad papiarednich
Iran zakryŭ svaju pavietranuju prastoru
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj79
Kamientary
I datyčna Biełarusi i našaha rehijonu z bolšaha pracujuć tyja ž pryjarytety.
Biaśpieka.
Tryvałaja.
łuka nie zdolny jaje zabiaśpiečyć.
Zajmajecca cianamocinaj, hulaje na baku raški i nie moža źmianicca.
ZŠA dali jamu šaniec na ździełku, jak i Asadu davali, Madury davali, jak davali Iranu.
Buduć u vyniku i ŭ Biełarusi pracavać praź inšych aktaraŭ. Dziela biaśpieki ŭ rehijonie, jakaja ŭpłyvaje na ich intaresy ŭ tym liku.
I nacyjanalny dyjałoh z udziełam pradstaŭnikoŭ roznych palityčnych siłaŭ - toje, što prapanoŭvajecca i ŭ inšych krainach - najlepšy z mahčymych varyjantaŭ dla Biełarusi.
łuka na jaho nie zdolny. Jak nie zdolny byŭ Asad, Madura, zaraz u pracesie ajatoły.
Čas vyrašać samim.
Pad harantyi Zachadu heta rabić lepiej, čym trapić kančatkova pad rašku i pieraŭtvarycca ŭ Prydniastroŭje ci Čačniu