U Maskvie były namministra skončyŭ žyćcio samahubstvam i ŭ pieradśmiarotnaj zapiscy abvinavaciŭ žonku
U Maskvie ŭ svaim pryvatnym domie znojdzieny miortvym 50‑hadovy Alaksiej Sklar, jaki raniej zajmaŭ pasadu namieśnika ministra pracy i sacyjalnaj abarony Rasii. Kali ratavalniki prybyli na miesca zdareńnia, dźviery ŭ dom byli adčynienyja, a cieła byłoha čynoŭnika lažała kala paroha.
Jak paviedamlaje TASS, asnoŭnaj viersijaj zdareńnia pravaachoŭniki ličać suicyd.
Pierad śmierciu Sklar dasłaŭ siabram raźvitalnaje paviedamleńnie, u jakim abvinavaciŭ svaju žonku ŭ tym, što adbyłosia.
Pavodle źviestak «Bazy», zahinuły čynoŭnik žanaty druhi raz. Jaho abrańnicaj stała 33‑hadovaja Alina M. Paviedamlajecca, što paśla sychodu z urada ŭ 2022 hodzie ŭ byłoha čynoŭnika ŭźnikli finansavyja ciažkaści, jakija stali pryčynaj kanfliktaŭ u siamji. Paśla adnoj sa svarak žonka Sklara źjechała za miažu.
Alaksiej Sklar pracavaŭ u ministerstvie z 2018 pa 2022 hod. Paśla sychodu ź dziaržaŭnaj słužby jon nie zajmaŭ publičnych pasad i vioŭ zakryty ład žyćcia.
Ciapier čytajuć
Kurejčyk: Dzieci Cichanoŭskich pierajechali ŭ ZŠA14
Kamientary