U noč na 1 lipienia ŭ Biełarusi adbyłasia denaminacyja. Na kupiurach źnikli čatyry nuli, zatoje ŭpieršyniu z savieckich časoŭ źjavilisia maniety.
Maładyja biełarusy ŭpieršyniu sutykajucca z denaminacyjaj, astatnija pamiatajuć adkidvańnie nuloŭ u 1994 i 2000 hadach.
Nahadajem, z 1 lipienia ŭvodziacca ŭ abarot siem novych banknot i vosiem novych maniet.
Najmienšaja banknota budzie adpaviadać raniejšym 50 tysiačam rubloŭ. Heta značycca, usie drobnyja płaciažy buduć vykonvacca ŭ manietach.

Da 31 śniežnia 2016 hoda novyja i staryja hrošy buduć vykarystoŭvacca paralelna. Biehčy i terminova pazbaŭlacca ad starych kupiur niama sensu — reštu mohuć znoŭ nadavać starymi hrašyma.
U 2017-2019 hadach kupiury možna budzie biaspłatna pamianiać u bankach, u 2019-2021 — u Nacbanku. Hetaha času dakładna chopić usim.
Kamientary