Statkievič idzie ŭ kandydaty ŭ deputaty i choča pravieści akcyju ŭ Drazdach
Eks-kandydat u prezidenty, były palitviazień Mikałaj Statkievič padaŭ dakumienty ŭ administracyju Centralnaha rajona Minska na rehistracyju inicyjatyŭnaj hrupy pa vyłučeńni siabie kandydatam u deputaty. Kali jaho zarehistrujuć, to Statkievič stanie kandydatam na 105-j Staravilenskaj akruzie, u jakuju ŭvachodzić uvieś centr Minska i pasiołak Drazdy.
Heta test dla ŭłady na demakratyčnaść i mahčymaść dać ludziam vykazać svoj pratest suprać ekanamičnaj i sacyjalnaj palityki i parušeńniaŭ pravoŭ čałavieka, — zajaviŭ TUT.BY Statkievič.
Palityk adznačyŭ, što ŭ vypadku rehistracyi inicyjatyŭnaj hrupy, što zmoža pravodzić lehalna źbirać podpisy i pravodzić akcyi pratestu ŭ centry Miensku. U jaho ŭ płanach — vialikaja akcyja na płoščy Svabody i ŭ Drazdach.
Z nahody apošniaha Statkievič zajaviŭ, što choča znajści tam Alaksandra Łukašenku, kab uziać i jaho podpis.
U inicyjatyŭnaj hrupie Statkieviča — palityki Uładzimir Niaklajeŭ, Viačasłaŭ Siŭčyk i Źmicier Daškievič. Jak členy inicyjatyŭnaj hrupy jany taksama zmohuć źbirać akcyi i być ich arhanizatarami, adznačyŭ Statkievič.
Palityk miarkuje, što jaho inicyjatyŭnuju hrupu nie zarehistrujuć, bo ŭ jaho jość sudzimaść.
Rašeńnie akruhovaj kamisii stanie viadoma praź piać dzion. Statkievič nahadaŭ, adnak, što ŭ 2008 hodzie jaho inicyjatyŭnuju hrupu zarehistravali, niahledziačy na sudzimaść palityka. Jamu dali źbirać podpisy, adnak potym ich paličyli niesapraŭdnymi i nie zarehistravali kandydatam.
Kali Statkieviču nie ŭdasca atrymać rehistracyju i hetym razam, to BSDP (Narodnaja Hramada) prajavić salidarnaść i zdymie usich svaich kandydataŭ.
Rašeńnie ab vyłučeńnie Statkieviča jaho niezarehistravanaja partyja BSDP (Narodnaja Hramada) pryniała na ŭčorašnim pasiadžeńni prezidyuma. Usiaho ad struktury kandydatami ŭ deputaty chočuć stać 27 čałaviek. Z-za adsutnaści rehistracyi ŭ BSDP (Narodnaja Hramada), jaje kandydaty buduć vyłučacca šlacham zboru podpisaŭ. Takim ža čynam partyja ŭdzielničała ŭ vybarach vosiem hadoŭ tamu, vyłučyŭšy tady kala 70 čałaviek.
Parłamienckija vybary adbuducca 11 vieraśnia. Rehistracyja kandydataŭ projdzie 2—10 žniŭnia, paśla čaho pačniecca etap pieradvybarčaj ahitacyi.
Ciapier čytajuć
Jak u halečy śpivałasia radnia Łukašenki? Małaviadomyja fakty15
Kamientary