Śledčym kamitetam Respubliki Biełaruś zaviedziena i rasśledujecca kryminalnaja sprava ŭ dačynieńni da kiraŭnika administracyi Leninskaha rajona h. Minska.
Rašeńnie ab zaviadzieńni spravy pryniata na padstavie pravierki, praviedzienaj supracoŭnikami HUBAZiK MUS Respubliki Biełaruś. Pavodle dadzienych śledstva, słužbovaja asoba pieravysiła svaje słužbovyja paŭnamoctvy, što paciahnuła pryčynieńnie škody adnamu z pradpryjemstvaŭ Leninskaha rajona Minska, paviedamlaje pres-słužba Śledčaha kamiteta.
Dziejańni słužbovaj asoby kvalifikavanyja śledstvam pa č. 3 art. 426 Kryminalnaha kodeksa Respubliki Biełaruś (pieravyšeńnie słužbovych paŭnamoctvaŭ), u dačynieńni da jaho ŭžytaja miera strymańnia ŭ vyhladzie zaklučeńnia pad vartu.
Sankcyja hetaha artykuła praduhledžvaje pakarańnie ŭ vyhladzie pazbaŭleńnia voli na termin ad troch da dziesiaci hadoŭ z kanfiskacyjaj majomaści abo biez kanfiskacyi i z pazbaŭleńniem prava zajmać peŭnyja pasady abo zajmacca peŭnaj dziejnaściu. Rasśledavańnie praciahvajecca ŭ ciesnym uzajemadziejańni z MUS Respubliki Biełaruś, havorycca ŭ paviedamleńni SK.
Adzin z surazmoŭcaŭ TUT.BY raspavioŭ, što pra zatrymańnie Valeryja Kulaša stała viadoma na minułym tydni. Da taho ž kiraŭnik rajona adsutničaŭ užo na dźviuch płaniorkach u Minharvykankamie ŭ paniadziełki. Zamiest jaho ŭ meryi byŭ namieśnik.
Valeryja Kulaša pryznačyli kiraŭnikom Leninskaha rajona ŭ śniežni 2009 hoda. Da hetaha jon uznačalvaŭ «Minskzielenbud».
Ciapier čytajuć
Słavacki palitołah, były kiraŭnik amierykanskaha fondu PACT łabiruje zbližeńnie z Łukašenkam6
Kamientary