Следчым камітэтам Рэспублікі Беларусь заведзена і расследуецца крымінальная справа ў дачыненні да кіраўніка адміністрацыі Ленінскага раёна г. Мінска.
Рашэнне аб завядзенні справы прынята на падставе праверкі, праведзенай супрацоўнікамі ГУБАЗіК МУС Рэспублікі Беларусь. Паводле дадзеных следства, службовая асоба перавысіла свае службовыя паўнамоцтвы, што пацягнула прычыненне шкоды аднаму з прадпрыемстваў Ленінскага раёна Мінска, паведамляе прэс-служба Следчага камітэта.
Дзеянні службовай асобы кваліфікаваныя следствам па ч. 3 арт. 426 Крымінальнага кодэкса Рэспублікі Беларусь (перавышэнне службовых паўнамоцтваў), у дачыненні да яго ўжытая мера стрымання ў выглядзе заключэння пад варту.
Санкцыя гэтага артыкула прадугледжвае пакаранне ў выглядзе пазбаўлення волі на тэрмін ад трох да дзесяці гадоў з канфіскацыяй маёмасці або без канфіскацыі і з пазбаўленнем права займаць пэўныя пасады або займацца пэўнай дзейнасцю. Расследаванне працягваецца ў цесным узаемадзеянні з МУС Рэспублікі Беларусь, гаворыцца ў паведамленні СК.
Адзін з суразмоўцаў TUT.BY распавёў, што пра затрыманне Валерыя Куляша стала вядома на мінулым тыдні. Да таго ж кіраўнік раёна адсутнічаў ужо на дзвюх планёрках у Мінгарвыканкаме ў панядзелкі. Замест яго ў мэрыі быў намеснік.
Валерыя Куляша прызначылі кіраўніком Ленінскага раёна ў снежні 2009 года. Да гэтага ён узначальваў «Мінскзеленбуд».
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца3
Каментары