Zavieršanaje raśśledavańnie kryminalnaj spravy eks-dyrektara Mienskaha lashasu, abvinavačanaha ŭ chabarnictvie dy inšych złačynstvach, paviedamlaje ŭprava Śledčaha kamitetu Biełarusi pa Mienskaj vobłaści.
U spravie 10 epizodaŭ. Pavodle śledčych, abvinavačany «systematyčna prymaŭ hrašovyja ŭznaharody ad roznych pradstaŭnikoŭ kamercyjnych struktur i słužbovych asob subjektaŭ haspadarańnia».
Hetak, u pramiežku času ad studzienia 2012 hodu da studzienia 2016 hodu eks-dyrektar atrymaŭ chabaru ahułam na 500 miljonaŭ rubloŭ. Taksama, jak ličać śledčyja, były kiraŭnik z parušeńniem zakonu adpuskaŭ lesamateryjały i praz machlarstva zavałodaŭ hrašovymi srodkami lashasu, u tym liku tymi, jakija musić pajści na zarobak jahonym padnačalenym. Hetymi dziejańniami jon nibyta nanios strataŭ na 80 miljonaŭ rubloŭ i prysabiečyŭ jašče 20 miljonaŭ rubloŭ.
Sprava byłoha dyrektara Mienskaha lashasu pieradadzienaja ŭ prakuraturu dla nakiravańnia ŭ sud, abvinavačany ŭtrymlivajecca pad vartaj, pieradaje ŭprava Śledčaha kamitetu pa Mienskaj vobłaści. Proźvišča abvinavačanaha SK nie paviedamlaje.
Pra aryšt dyrektara Mienskaha lashasu medyi paviedamili 22 studzienia sa spasyłkaj na źviestki ź Mienskaj abłasnoj milicyi. Tady paviedamlałasia pra zaviadzieńnie suproć kiraŭnika 4 kryminalnych spraŭ, u tym liku za karupcyju, u peryjad z 2014 hodu. Ukazvałasia, što złačynstvy byli vyjaŭlenyja padčas pravierki pracesu madernizacyi haspadarki Mienskaha lashasu. Hetaja madernizacyja pravodziłasia ŭ miežach vykanańnia Dziaržaŭnaj prahramy raźvićcia palaŭničaha haspadarstva Biełarusi.
