U zachapleńni virtualnymi hulniami moładzi nie treba zabyvać ab asabistaj biaśpiecy ŭ realnym śviecie. Ab hetym zajaviŭ ministr unutranych spraŭ Biełarusi Ihar Šunievič, adkazvajučy na pytańnie ab imklivym raspaŭsiudžvańni hieałakacyjnych hulniaŭ.
«Moładź pieramiaściła svaje intaresy z realnaha śvietu ŭ virtualny. My zaniepakojeny tym, što heta moža vylicca ŭ niejkija nadzvyčajnyja zdareńni z punktu hledžańnia hramadskaj, asobasnaj, darožnaj biaśpieki», - skazaŭ Ihar Šunievič.
Adna z takich hulniaŭ, što pracuje pa pryncypie dapoŭnienaj realnaści, za karotki čas stała samaj papularnaj u śviecie. Karystalniki šukajuć pakiemonaŭ, jakija mohuć znachodzicca ŭ samych niečakanych miescach: na prajeznaj častcy, dachu, kala niebiaśpiečnych abjektaŭ.
«Adciahnieńnie ŭ bok virtualnaści pryvodzić da niejkich vyklučeńniaŭ z punktu hledžańnia realnaha śvietu. Tamu tut ja mahu dać paradu moładzi: być bolš uvažlivymi ŭ hramadskich miescach i nie zabyvać ab asabistaj biaśpiecy», — zaŭvažyŭ Ihar Šunievič.