Z adnaho boku, respublikancy krytykujuć Klintan za miakkuju palityku ŭ dačynieńni da Rasiei, a z druhoha — Tramp tolki što vyklučyŭ z prahramy pieradaču zbroi Ukrainie.
Hubiernatar štata Ńju-Džersi Krys Kryści nie horš čym pieradvybarnaja kamanda jaho lubimca Donalda Trampa raskrytykavaŭ Chiłary Klintan i jaje źniešniuju palityku. Jon abvinavaciŭ byłoha Dziaržsakratara va ŭmacavańni «voraha, na čale jakoha staić dyktatar, čyja mara viarnuć staruju savieckuju impieryju».
Amierykanski čynoŭnik zajaviŭ, što palityka «pierazahruzki» Klintan u adnosinach z Uładzimiram Pucinym pakazała, nakolki «blizarukaj» ciapierašni kandydat u prezidenty ad demakrataŭ była na papiaredniaj pracy.
«Jon maje racyju. Voś tolki prablema ŭ tym, što absalutna toje ž samaje možna skazać pra Donald Tramp i jaho padychod da Pucina», — piša ŭ redakcyjnym artykule Wall Street Journal.
Vydańnie nahadvaje, što na hetym tydni Respublikanskaja partyja źmianiła pałažeńni ab źniešniaj palitycy ŭ prahramie svajoj płatformy i vykinuła adtul namiery ŭzbroić Ukrainu. Zamiest hetaha ŭ prahramie źjaviłasia razmytaje abiacańnie dać «naležnuju dapamohu».
Heta surjoznaja źmiena, tamu što padkamitet, jaki ŭnios papraŭki ŭ prahramu, vyrašyŭ, što zaklik pieradać ukrainskaj armii śmiarotnuju zbroju (a heta adzinaje, što moža sapraŭdy źmianić situacyju) budzie zanadta pravakacyjnym. Anałahičny arhumient vykarystaŭ prezident Barak Abama, kab apraŭdać admovu ad pieradačy zbroi ŭkraincam i supraćstajańnia Pucinu. Vydańnie zaŭvažaje, što hety padychod niapravilny pa svajoj sutnaści, tamu što Rasija praciahnie cisnuć na Ukrainu da taho času, pakul cana takoj ahresii nie stanie dla jaje zanadta vysokaj. I śmiarotnaja zbroja jakraz i padniała b hety košt.
Klintan nie składzie ciažkaściaŭ adprečyć usie abvinavačvańni respublikancaŭ u tym, što jana była «zanadta vietlivaj» z Pucinym. Staršynia vybarčaj kamandy Trampa - Poł Manafort — na praciahu niekatorych hadoŭ byŭ daradcam prarasiejskaha prezidenta Ukrainy Viktara Janukoviča. «Naŭrad ci pasłužny śpis Manaforta ŭpłyvaje na palityku ŭ dačynieńni da Ukrainy, ale realnaja pryčyna moža być jašče horšaj: Tramp taksama prytrymlivajecca vielmi naiŭnych pierakanańniaŭ u dačynieńni da Pucina, zajaŭlajučy, što zmoža damovicca ź lidaram u Kramli, jaki zachapiŭ Krym i padtrymlivaje bajevikoŭ u vajnie suprać vojskaŭ Ukrainy», — havorycca ŭ artykule.
Vydańnie taksama nahadvaje, što hałoŭny kandydat ad Respublikanskaj partyi taksama nieadnarazova chvaliŭ Rasieju za ŭvarvańnie na Blizki Uschod, choć jaho prychilnik Kryści jakraz asudžaŭ hetuju rasiejskuju avanturu.
U prahramie respublikancaŭ ŭsio jašče zastałosia abiacańnie zachavać sankcyi suprać Rasiei da taho času, pakul suvierenitet Ukrainy nie budzie adnoŭleny.
«Ale admova ad pieradačy dapamohi, jakaja abvostryć roźnicu pamiž źniešniaj palitykaj Trampa i nierašučaściu padychodu Klintan-Abamy, unutrany kanflikt respublikancaŭ u dačynieńni da Ukrainy pasyłaje drenny sihnał našym siabram u Kijevie i Klintan daje foru, jakuju jano zasłuhoŭvaje», — piša Wall Street Journal.
Miž tym vydańnie Financial Times pisała pra toje, jak Tramp dapuściŭ, što ZŠA nie buduć abaraniać sajuźnikaŭ pa NATA ad Rasiei. Miljarder užo pasiejaŭ niepakoj siarod mnohich sajuźnikaŭ ZŠA, u tym liku z krainami-čalcami NATA, Japonijaj i Paŭdniovaj Karejaj, jakija bajacca, što ŭ vypadku ŭvasableńnia jaho izalacyjanisckaj rytoryki ich adnosiny z Vašynhtonam pacierpiać hetak ža, jak i biaśpieka ŭ Jeŭropie i Azii.
Raniej Tramp vyklučyŭ z prahramy respublikancaŭ pieradaču zbroi Ukrainie. Punkt pra heta zamianiła bolš razmytaja farmuloŭka pra toje, što ZŠA «akažuć naležnuju padtrymku». Členy kamiteta prahałasavali adnosna hetych źmianieńniaŭ i ŭnieśli papraŭku ŭ prahramu Respublikanskaj partyi. Vydańnie adznačaje, što ciapier aficyjnaja pazicyja partyi ab pieradačy zbroi Ukrainie budzie supiarečyć pazicyi amal usich jaje lidaraŭ, jakija adkazvajuć za nacyjanalnuju biaśpieku. U hety ž čas kandydat ad Demakratyčnaj partyi Chiłary Klintan nieadnarazova asudžała ŭvarvańnie Rasiei va Ukrainie i krytykavała Trampa za simpatyju da Maskvy. Padčas kampanii jana zajaviła, što ŭ vypadku abrańnia Trampa, u Kramli budzie śviata.
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary